1 Avami 8:65 - KITABU KITAKATIFU

⁶⁵ Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

1 Avami 8:65 ပူးပေါင်းရင်းမြစ်များ

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

1 Avami 3:15

Solomoni yavuka ma namanyiriza ndi Nyasaye yaali komoloma naye mu maloto. Maku yirana Jerusalemi, nasingira imbiri wi Lisandugu lie Lilagana lia Yahova kandi nahaana vihaanwa viukusambwa kandi vie mirembe ku Yahova. Inyima wa yago, yalombera vatumikiri veve lilia.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

1 Avami 4:24

Solomoni yamiha kivala choosi keveeye imadioli wu mugera gwa Efurate, kutura Tifusa ku mugera gwa Efurate kuduuka imadioli wi lidaala linene lia Gaza. Avami vosi imadioli wumugera gwa Efurate vamifwa naye, kandi yaali mu mirembe ni vivala viosi viali vatende veve.

1 Avami 8:2

Avasaza vosi va Isiraeli vavugana harara imbiri wu mwami Solomoni mu ing'inga yi Lilia lie vidioli ku mweli gwa Ezanimu, mweli gwa saba.

1 Avami 8:66

Ku lidiku lia munane, yaasindukiza vandu vazie. Vagaasiza mwami ma ni vazia yengo wavo nuvusangali kandi nuvuyanzi mu mioyo jaavo kigira vulahi vwosi vwa Yahova Nyasaye wavo yaakolera Daudi mutumikiri weve kandi ku vandu veve, Isiraeli.

2 Avami 14:25

Yirana kuguuta kivala choosi ichalange haasi hu vwamihi vwa Isiraeli kutura Kivitiru cha Hamazi mu lovega lwi ivaale kuduuka ku Inyanza yi ijumbi mu lovega lwi Isavaalu. Yaga nigo ga Yahova, Nyasaye wa Isiraeli yaali ni yasuuviriza kuvitira ku mutumikiri weve muporofeti Jona, muyaayi wa Amitai kutura Gazi-Hefa.

2 Avami 17:24

Mwami wa Asiria yaleeta avandu kutura mu madaala manene ga Babiloni, Kuzi, Ava, Hamazi, Sefarivaimu, avamenye mu madaala manene ga Samaria, kuvugura vogono vwa vandu va Isiraeli avahilwa mu vuhambe. Vavugura Samaria kandi Ni vamenya mu madaala ga lio.

2 Avami 23:33

Liamiiha lilie liahera lwu mwami Neko wa Egebeti yamuvugula kandi umuhambe ha Ribula, mu kivala cha Hamazi, ma nakora avandu vi Ivuyuda kutunga uvusuuru vwi zikilo 3,400 zie ifeza na zikilo 34 zie zahabu.

1 Kyetsinyinga 1:16

Varivade, Vazemari kandi Vahamazu.

1 Kyetsinyinga 13:5

Kunangwa Daudi yavuganyia harara avandu vosi va Isiraeli kutura mu kivala choosi, kutura ku lwako lwu Mugera gwa Shihori mu Egebeti mu lovega lwi Isavaalu kuduuka ha vwingiliru vwa Hamazi, mu lovega lwa Ivaale, vaduuki kuzia koleta Lisandugu lie Lilagana lia Nyasaye kutura Kiriazi-Jearimu kuuza kuduuka Jerusalemi.

2 Kyetsinyinga 30:13

Avandu vanyingi ligali vavuganira Jerusalemi mu mweli gwa 2 okolomba lisavo liu mugadi gutali namamera.

2 Kyetsinyinga 30:23

Livugana liosi vavugirizana harara kolomba lisavo ku madiku gandi saba. Kunangwa valilomba ku madiku gandi saba nuvusangali.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Ezekieli 47:19

“Lwako lwi Isavaalu lulatangila ha Tamara, na lulazia Imadioli wi Isavaalu kuduuka ku migera ahimbi Meribazikadeshi. Lulazizagilira kuvitira mu Egebeti kandi lulamalilikira mu inyanza ya Meditareniani.

Amosi 6:14

Yahova Nyasaye Wuvunyali Viosi avoora, “Henza, inzi nziza kutuma iliihi lie ihiiri eng'eni na valamwingilira mu kuvugura kivala chienyu. Iliihi yilio lilamudambiza kutura ha kirivwa cha Hamazi kuduuka ku mugera gwe kereremo cha Araba.”

Amosi 6:2

Muzie mulole lidaala linene lia Kaline. Maku muzie Hamazi iliveeye lidaala linene ligali kandi musulunguti mu lidaala linene lia Vafilisitia lia Gati. Uvwami vwavo vwali vulahi kuvita uvwami vwa Ivuyuda nuvwa Isiraeli? Kivala chavo chaali kenene kuvita ichienyu?

Livalidza 34:5

lulagirung'ana kuzia ku lovega lwi livona ku lwako lwa Egebeti na lulamalilikila kunyanza ya Meditareniani.

Livalidza 34:8

kutura hene yaho luladuuka Hamazi. Lulazizagilira kuzia Zedadi

Joshua 13:3

kandi kivala choosi cha vandu va Vimu kolovega lwi savaalu. Kivala kutura kumugera gwa Shihori, ivugwi wu lwako lwa Egebeti kuduuka ivaale wu lwako lwa Ekironi, chaali kivala cha Kanaani. Avami va vandu va Filisitia vamenya Gaza, Ashidodi, Ashikeloni, Gazi, na Ekironi.

Joshua 13:5

Ukikiri kuguuta kivala cha vandu va Gebali. Ukikiri kuguuta kivala cha Lebanoni kolovega lwi ivugwi, kutura ku lidaala linene lia Baaligadi, iliveeye isavaalu wi kiguru cha Herimoni, kuduukia kunzira ya Hamazi.

Joshua 15:1

Avandu vi Ihiiri ya Yuda vosi vanyoola kidieli chi kivala kolondekana ni viliango viayo kuli ndi: Kivala ichaduuka isavaalu ku keheri mwigendanyama lia Zini ha lwako lwa Edomu.

Joshua 15:4

niluzizagilira kuduuka ku lidaala linene lia Azimoni. Kutura uwene yeyo, lwameedeka kolonda vulungi ku mugera ku lwako lwa Egebeti nilohenzi kolovega lwi Ivaale kuduuka kunyanza ya Meditareniani; uwulwako lwahera. Yilwo nilwo ulwaali ulwako lwi Isavaalu wa Ivuyuda.

Joshua 19:35

Madaala manene gizingaga zindinyu zia madigi ziali zidimu, Zeri, Hamazi, Rakazi, Kinerezi

Vakalagi 3:3

Avandu ava Yahova yaleka mu kivala yiki vaali avanene vatano va vandu va Filisitia, Kanaani, Sidoni, na Hivi avamenyaa mu Kiguru cha Lebanoni kutura ku kiguru cha Baali Herumoni kuduuka ha vwingiliru vwa hamazi.