1 Avami 8:63 - KITABU KITAKATIFU

⁶³ Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Avami 8:63 ပူးပေါင်းရင်းမြစ်များ

1 Kyetsinyinga 29:21

Lidiku lialonda ku, viitira Yahova visiuviliru vie zinyama kandi ni vahaana vihaanwa viu kusambwa kuye kuli ndi: Zigiriki 1,000 magondi mamigu 1,000 kandi vimeme vikole 1,000. Valeta kandi ivia vasamba ivihaanwa viavo vie iwaini, vigima ku vwali.

2 Kyetsinyinga 15:11

Lidiku liene yilio, vahaana visiuviliru ku Yahova kutura ku vilaanye via valeta: zing'ombe 700, na magondi 7,000.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 30:24

Mwami Hezekia yahaana zigiriki 1,000 na magondi 7,000 avandu viite kandi valie, na vanene veve vaavaha zigiriki zindi 1,000 na magondi 10,000. Avasaalisi vanyingi vavitira mu mwima gwi litakaswa

2 Kyetsinyinga 7:4

Maku Solomoni harara na vandu vosi vaahana visiuviliru ku Yahova.

2 Kyetsinyinga 7:5

Mwami Solomoni yahaana visiuviliru vie zing'ombe 22,000, amagondi 120,000 kuli vihaanwa vie mirembe. Nandio Solomoni na vandu vatakasa Litembeli lia Nyasaye.

Ezara 6:15

Vaamaliriza Litembeli yili ku lidiku lia kavaga liu mweli gwa Adari mu muhiga gwa sita gwi liamiiha liu mwami Dariasi.

Nehemia 12:27

Lwa Lidigi lie Lidaala Linene lia Jerusalemi liatakaswa, vandu va Levi valetwa kutura wavaali ni vamenyi kuza kusangaa mu Lisangala Lilitakaswa lie lidigi lie Lidaala, linene, mulimba zinyimbu ziu kusandiza Nyasaye nu vukana na madungu.

Zaburi 30:1

O, Yahova, nzizominyaa ivi, kigira umali kombonyia; na sioleki avasigu vange vasangaliri kivi chiange mba.

Ezekieli 36:38

Amadara gaveeye kalunu amang'anye, galavamu na vandu vanyingi kuli Jerusalemi yaali na magondi amanyingi agahaanwa kuva kuli kisiuviriru ku lidiku lie lisavo. Maku avandu yava valakamanye ndi, Inzi mbeeye Yahova.”

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Mika 6:7

Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange?

Yohana 10:22

Muku liali ho lisavo liu kusaalisa Litembeli mu Jerusalemi. Ing'inga yeyo yaali yu vukindu.