1 Avami 8:6 - KITABU KITAKATIFU

⁶ Maku avasaalisi vaginga Lisandugu lie Lilagana kulihila mu Litembeli kandi nivaliviika Havundu Hatakatifu ligali, Hasi, tisi vikerubi.

1 Avami 8:6 ပူးပေါင်းရင်းမြစ်များ

2 Samweli 6:17

Valeta Lisandugu lie Lilagana kandi nivaliviika havundu halio, mulihema ha Daudi yaali niyalilombera. Maku, yahaana visiuviliru kandi zisadaka zie mirembe ku Yahova.

2 Samweli 6:2

kandi navimilira kuduuka mu lidaala lia Baala mu Ivuyuda, kunangwa vaduuki koleta Lisandugu lie Lilagana lia Nyasaye, iliveeye ni lieta lia Yahova Wanyala Viosi, uwamihiizwa igulu wa vakerubi.

1 Avami 6:16

Keng'oze chu musi chalaangwa Havundu Hatakatifu ligali humbakwa inyima wi Litembeli. Chaali vutambi vwi zimita 9, na chagavulanywa kutura ku Litembeli ni zimbaho zie midaragwa kutura hasi kuduuka ku lirungi.

1 Avami 6:19

Inyima wi Litembeli, keng'oze chu mugati chumbakwa, ahe Lisandugu lie Lilagana lia Yahova liadukanaa liviikwi.

1 Avami 6:27

Viavikwa kukagatana na Havundu Hatakatifu ligali Hoosi, kunangwa zimbaha ziavio nizinyirika ziadirana hagati he keng'oze; niizisonga zie zimbaha zindi nazio nizidiira madigi.

1 Avami 8:3

Lwa aviimiliri vosi vaali nivakavunga harara, avasaalisi vaginga Lisandugu lie Lilagana,

1 Avami 8:4

valihila mu Litembeli. Vandu vi hiiri ya avasaalisi vahiraa Lihema liu kuvuganira mu na Yahova kandi niviju vitakatifu vialio viosi mu Litembeli.

1 Avami 8:7

Zimbaha ziavio zianyilika ziafuma lisandugu kandi misaala ja liagingilwa ku.

1 Kyetsinyinga 22:19

Kalunu tumikira Yahova Nyasaye woovo nu mwoyo gugwo gwosi kandi na roho gugwo gwosi. Tanga iliumbaka Litembeli kunangwa ove unyala kuviika mu Lisandugu lie Lilagana lia Yahova, kandi viju vitakatifu vindi viosi ivitumikirwaa mu lisigamira Yahova.”

2 Kyetsinyinga 5:7

Maku vandu va Levi vaginga Lisandugu lie Lilagana lia Yahova ni valihila mu Litembeli nivaliviika Havundu Hatakatifu ligali.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Zaburi 80:2

wivuuli ivi umwene ku zihiiri zia Efuraimu, Benjamini na Manase. Ukumanyie zinguru zizio; kandi hamba okohonyie ku vasigu viitu!

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Kutwula 37:9

Avakerubi zana vahenzana, nivavaambuyi zimbaha igulu, kukinga endeve zana. Avakerubi viinama kohenza endeve yi zimbavasi.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Ezekieli 10:5

Liyoga lia vakerubi liahulirika kali kuduuka mu mugizi gwi chova. Gwahulirika kuli umwoyo gwa Nyasaye Wuvunyali.

Ezekieli 41:4

Yaagera keng'oze chene, na chaali zimita 10 vuli lovega. Keng'oze yiki chaali kolovega lundi lwe keng'oze cha hagati. Maku yambolera, “Yaaha na Havundu Hatakatifu ligali.”

1 Samweli 4:4

Kunangwa vaatuma avatumwa Shilo kandi nivaleeta Lisandugu lie Lilagana lia Yahova Wanyala viosi, uwikaye ku endeve yu vwami igulu wa Vakerubi. Avayaayi va Eli vaviri, Hofini na Finiasi vaza harara ni Lisandugu lie Lilagana.