1 Avami 8:58 - KITABU KITAKATIFU

⁵⁸ Yahova agirung'anyie mioyo jietu jiyeeke kuye, kogenda mu zinzira zizie ziosi kandi kugumira malago geege, likalaga lilie kandi miima jije, ja yalaga vaguuga viitu.

1 Avami 8:58 ပူးပေါင်းရင်းမြစ်များ

1 Avami 8:59

Kandi leka makuva gange yaga, ga inzi mali kusaala imbiri woovo, gave himbi ku ivi, Nyasaye wiitu umbasu nu vudiku, kandi uduukize likora liu mutumikiri woovo, kandi lia avandu vovo Isiraeli kolondekana nilienya lia vuli lidiku;

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 119:36

Ombe uvuha vwu kuhulira malago googo, kuvita kuva nuvutugi.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:45

Yili nilio lilolekiza lieligali, malago kandi likalaga lia Musa yavolera avandu va Isiraeli, lwa vaatura mu kivala cha Egebeti,

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Joshua 24:23

Joshua yavalaga, “Kunangwa muleke avalala ku munyi vakikiri na vanyasaye vageni avamuveeye navo, na musuuviri Yahova, Nyasaye wa Isiraeli.”