1 Avami 8:47 - KITABU KITAKATIFU

⁴⁷ huliriza ku lisaala lia vandu vovo. Niiva wene yeyo mu kivala yicho valiganira nukusaala ku ivi, niviganira vwoni vwavo kandi vudamanu vwavo, hulira lisaala liavo O, Yahova.

1 Avami 8:47 ပူးပေါင်းရင်းမြစ်များ

1 Avami 8:33

“Lwa vandu vovo Isiraeli vaguutwa na vasigu vaavo kigira vamali kokora uvwoni, ma kandi lwa vagirung'ana ku ivi na vaza mu Litembeli yili, nivakugonyaa nu mwoyo gwosi vasamiifwi,

2 Kyetsinyinga 6:37

hulira lisaala lia vandu vovo. Niiva valiganira nu kusaala ku ivi mu kivala chene yicho, nokovoora zimbi ziavo ku ivi, hulira lisaala liavo, O, Yahova.

Nehemia 9:2

Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Ezekieli 16:61

Munyi mwaza mwizurizi kuli mumali kokora lwa mwaza mwiranyilwi avakaana vinyu vakulundu navakaana vinyu vakekeeke. Ndaaza mbakole na vave kuli avavozo ku munyi, kali niiva yili si liali lilagana liange ni munyi mba.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 18:28

Yizuliza agakolaa ma yiganira uvwoni vwosi vwakolaa, mundu ligali sialakuza mba, navuzwa alazizagilira komenya.

Haggai 1:7

Si muloraa kigira yaga ni gekoleka?

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.