1 Avami 8:42 - KITABU KITAKATIFU

⁴² kandi vindu vinene nis viezingulu via wakolera vandu vovo, ma yaaze kukusigamira kandi kusaala ha Litembeli yili,

1 Avami 8:42 ပူးပေါင်းရင်းမြစ်များ

1 Avami 8:41

“Kandi ndio, lwu mugeni utaveeye mulala ku vandu vovo Isiraeli, navuzwa umali kuuza kutura mu kivala chi hale kigira uhuliyi lusuma lwi lieta liilio,

2 Avami 17:36

Mulahulira inzi Yahova, nzieng'ine, uwamutuliza Egebeti ni zinguru zinene kandi nu vunyali; kuduuka mwinamiri inzi kandi muhaane ivisiuviliru ku inzi.

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

Zaburi 136:12

Yaavimilira numukono gwigwe gwizingulu kandi ku vwami vwivwe vwizingulu; kigira uvuyanzi vwivwe vuhindiraa mihiga ni mihiga.

Zaburi 89:13

Ivi oveeye wi zinguru, ligali! Zinguru zizio ziveeye zinene ligali!

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 15:14

Zihiiri zimali kuhulira, kandi zidegera nuvuti; avandu va Filisitia vaveeye nuvuti vonene ligali.

Kutwula 3:19

Inzi manyi vulahi ndi mwami wa Egebeti sialamuleka muzie natanigiywi kumulakula mba.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Kutwula 9:15

Ndava nindanyiira mukono gwange kuduya ivi harara na avandu vovo nu vulwaye vudamanu, ngano mwadivizwa ligali.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 31:11

Inzi mali kovoholora avandu va Isiraeli kandi mali kuvahonyia kutura ku ihiiri yi zinguru.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Ezekieli 20:33

“Ligali kuli Inzi mbeeye Yahova Wuvunyali, mbeeye Nyasaye omenya. Mwiganihizaa ndi, Inzi ndamwamiiha mu vutima vwange kandi ni zinguru ziange ziosi.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Livalidza 15:14

Niiva mugeni woosi omenyi hagati hinyu mu makura ginyu goosi, na aveeye ni lienya kuhaana kihanwa chu kusambwa, ekeveeye chi lifunya liu mwayu mulahi liyaanziza Yahova, alakola ndio kolondekana na malago yaga.

Vikolwa 8:27

Kunangwa Filipo yatura natanga logendo. Ahene yaho yalora mundu mulala kutura Ezopia waali kiziri, musingiriri wi zinguru ku vutugi vwosi vwa Kandaki, Mwami wi kikali wa Ezopia. Mundu uyu yaali naaziyi Jerusalemi kusigamira Nyasaye.

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Joshua 4:24

Kigira yaga, vandu vosi ku lirova valamanya kuli ovonene uwe zinguru zia Yahova ziveeye namunyi mulahaana uluyali ku Yahova Nyasaye winyu mihiga ni mihiga.”

Joshua 7:9

Avandu va Kanaani kandi navandu vandi vosi mu kivala valahulira amakuva yaga goosi. Valakukumbiriza nukwita vuli mulala ku kunyi! Kunangwa ivi ulakola ki kulinda luyali lwi lieta linene liilio?”