1 Avami 8:39 - KITABU KITAKATIFU

³⁹ hulira lisaala liavo. Uvahulirizi noveeye yengo woovo mwigulu, uvasamihi, kandi uvakonye. Ivi weng'ine umanya zing'anagani ziu mumwoyo gwu mundu. Kolera sa mulala kuli adukanaa akolerwe,

1 Avami 8:39 ပူးပေါင်းရင်းမြစ်များ

1 Avami 8:32

O, Yahova, hulira noveeye mwigulu na ukalagiri vatumikiri vovo. Haana mageri ku muhioli kuli gamudukira, na ulakuuli oyo utali nimbala ave.

1 Avami 8:36

uhuliri lisaala liavo noveeye mwigulu. Samiiha mwami kandi vwa avandu va Isiraeli. Uvigizi vakole gaveeye malungi. Hene yaho O, Yahova, tuma imbura ku kivala chicho kinu, cha waha vandu vovo kuli miandu ji mihiga ni mihiga.

1 Avami 8:38

huliriza ku lisaala liavo. Niiva mulala ku avandu vovo Isiraeli, kuturana no vovereri vwu mumwoyo, valanyira makono gaavo mu lisaala kohenziza ku Litembeli yili,

1 Avami 8:40

Kunangwa vandu vovo vaduuki kukuhulira zing'inga ziosi zia vamenya mu kivala cha waha nakuavaguuga viitu.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 139:1

O, Yahova, ivi umali kombenzeriza kandi umanyi inzi ligali!

Zaburi 28:4

Uvahe amageri ku aga vakoli, ku vudamanu vwa vamali kokora. Uvahe mageri kolondekana ni vikolwa viavo, uvahe agadukanaa vanyoore.

Zaburi 33:14

Ahenzaa avandu vosi vu mulirova, kutura kondeve yeeye yu vwami mwigulu.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Joshua 22:22

“Wuvunyali aveeye Nyasaye! Aveeye Yahova! Amanya ichagira nikokola yaga, ma kandi kwenyaa na munyi mumanye kandi! Nikuva nikwibaala ku Yahova, na nikuvamanyia lilagana lietu na Yahova, mutaleka kunyi kove mwoyo kandi mba, Mukwiti lufwi.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”

1 Samweli 2:3

Lekera lieyizominya, leka limoloma liilio liu kwigingira. Kigira Yahova aveeye Nyasaye oveeye nilimanya, kandi akalagaa vindu viosi via vandu vakora.