1 Avami 8:36 - KITABU KITAKATIFU

³⁶ uhuliri lisaala liavo noveeye mwigulu. Samiiha mwami kandi vwa avandu va Isiraeli. Uvigizi vakole gaveeye malungi. Hene yaho O, Yahova, tuma imbura ku kivala chicho kinu, cha waha vandu vovo kuli miandu ji mihiga ni mihiga.

1 Avami 8:36 ပူးပေါင်းရင်းမြစ်များ

1 Avami 18:1

Yahova yavolera Elija mu muhiga gwa kavaga gwe kemeyu, “Zia wimanyie ku mwami Ahabu; na inzi ndatuma imbura.”

1 Avami 18:41

Maku Elija yavolera mwami Ahabu, “Kalunu, zia na ulie chukulia. Mbulira lihiligana lie imbura enene.”

1 Avami 18:45

Mu ing'inga ngekeeke, ligulu liafumwa na malesi mamwamu ti. Imbuza yaatanga kuhuuza, kandi imbura enene yaatanga kukuba. Ahabuu yingira mu ligare lilie liu vulwani kandi natanga kwirana vwangu, ha Jezireeli.

Zaburi 119:133

Ongole singiri vudinyu ligali kolondekana ni lilagana liilio ku inzi kandi utaleka uvudamanu vuunguuti mba.

Zaburi 119:33

O, Yahova, unzigize kolonda malago googo; na ndagagumira kuduuka ku keheri.

Zaburi 143:8

Unzizulizi vuli mugambazuri makuva kigira uvuyanzi vuvwo vwa kazozo vuli mugambazuri. Kigira inze mbikaa lisuuvira liange mu ivi, kandi masaala gange ganigiraa ku ivi; umanyie inzira ya nonda ku.

Zaburi 25:12

Yavo avatiizaa Yahova valiiga kutura kuye zinzira zia vaduukana valonde.

Zaburi 25:8

Yahova yigizaa avoni zinzira zia gavadukiraa valonde, kigira aveeye mulungi kandi mulahi.

Zaburi 27:11

O, Yahova, unzigize kokora aga wenyaa ngole, kandi unzimiliri kunzira yimirembe, kigira mbeeye na vasigu vanyingi.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 5:8

O, Yahova, unzimiliri mu vulungi vwuvwo kigira avasigu vange, ulungikizi inzira yooyo imbiri wange.

Zaburi 68:10

Avandu vovo vaatanga komenya yo, kandi waali muhaani ku vosi avaari vadaka kigira vulahi vuvwo.

Zaburi 68:9

Ivi waakubiza imbura inyingi, kandi nuwiranyia viamo ku kivala ichaali nichuma kigira mbasu.

Zaburi 86:11

O, Yahova, unzigizi aga wenyaa ngole, na ndakuhulira nu vusuuvirifu vwosi, unzigizi kukutumikira nu mwoyo gwange gwosi.

Zaburi 94:12

O, Yahova, aveeye nuvugasu mundu uyu uwa ohezaa mageri. Kandi uyu wa ivi wigiza lilaga liilio.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.