1 Avami 8:32 - KITABU KITAKATIFU

³² O, Yahova, hulira noveeye mwigulu na ukalagiri vatumikiri vovo. Haana mageri ku muhioli kuli gamudukira, na ulakuuli oyo utali nimbala ave.

1 Avami 8:32 ပူးပေါင်းရင်းမြစ်များ

2 Samweli 22:21

Yahova yamba madanyi kigira ngolaa vulahi, yangasizaa kigira simbeeye niimbala mba.

1 Avami 2:32

Yahova alaha Joabu amageri ku liita lia yakola vugira limanya lia baba wange Daudi. Joabu yita avasaza vaviri avaari avalahi ligali, Abineri, munene wi liihi lia Isiraeli kandi Amasa, munene wi liihe lie Ivuyuda.

1 Avami 2:33

Amageri kigira liitwa liavo galagwira Joabu kandi ku kisukururwi chiche mihiga ni mihiga. Navuzwa Yahova alahaana uvuguuti kazozo ku kisukururwi cha Daudi, aviikalaa kondeve yu vwami vwivwe.”

Esther 9:25

Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Zaburi 18:25

O, Yahova, oveeye musuuvirifu ku yavo avaveeye vasuuvirifu ku ivi, kandi oveeye umulahi ligali ku yavo avaveeye vadukiru imbiri woovo.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Kutwula 23:7

Utavoola amakuva guvugadi mba kandi utiita mundu utaveeye nimbala kandi mulungi mba, kigira ndakalagira woosi okola kindu kidamanu kuli yiki.

Kutwula 34:7

Inzi nduukizaa lisuuviriza liange kumakula na makura kandi samiiha uvudamanu nuvwoni; navuzwa ndahaana amageri ku avana kandi kuvisukululwi kuduuka kulikula lia kavaga kandi lia kane kigira vwoni vwa vababa vaavo.”

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Tsing'ano 17:15

Uyu okolaa vuchamu kuva uvulungi kandi ukalagiraa avalugi, vombi vaveeye vu kuvihiliriza ku Yahova.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Ezekieli 18:13

kandi kwegobiza mabesa nu konyoora vukala. Mundu uyu si alamenya mba, kigira yamala kokora vindu vinyingi viukuvihiliriza. Maku alakuza kandi aladulwa kigira likuza lilie.

Ezekieli 18:20

Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Livalidza 5:27

Niiva yakola ovoheyi nokweyonogonyia umwene, amazi yaga galaleeta kuye vusaliri vululu. Inda yeeye ilavimba kandi vukali vwivwe vulaniala; kandi alava kilaamo hagati ha vandu veve.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

Varumi 7:9

Ku ing'inga ndala, inzi ndaali mwoyo vugira Lilaga; navuzwa lwi Lilaga liaza, uvwoni vwasimuguka, na ndaakuza.

Kwidzulitsa 25:1

“Niiva vandu va Isiraeli vaviri valazia kuyarana mu kiyaalo kwavukanyia vosoolo hagati haavo, na mulala anyoleke siaveeye nimbala, nu uwundi aveeye nilihiolo,

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.