1 Avami 8:27 - KITABU KITAKATIFU

²⁷ “Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

1 Avami 8:27 ပူးပေါင်းရင်းမြစ်များ

2 Kyetsinyinga 2:5

Saaviraa kwumbaka Litembeli linene ligali, Kigira Nyasaye wiitu aveeye munene ligali kuvita munyasaye wundi woosi.

2 Kyetsinyinga 2:6

Navuzwa nivwaha unyala ligali kumwumbakira Litembeli, kigira ligulu, kali niiva igulu ligali wu mwigulu sivanyala kumuduuka? Kunangwa mbeeye vwaha nduuki kumwumbakira Litembeli, niilitali vuzwa havundu hukusamba kimuli imbiri weve?

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 113:4

Yahova yamiha ku zihiiri ziosi; uvukumi vwivwe voveeye igulu vwi wiligulu.

Zaburi 148:4

Mumwizominye munyi ligulu liveeye igulu ligali kuvita, kandi munyi amazi agaveeye igulu wi ligulu.

Zaburi 68:33

ku uyu uninaa igulu mwigulu, ligulu liveeye lia kale. Mumuhulirizi lwa ahanzukaa nu mwoyo munene.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

2 Vakorintho 12:2

Manyi yaali ho musaza mulala Mukristayo mihiga likomi nagine jaavita, waavugulwa kuzia kuduuka mu ligulu lia kavaga. Simanyi niyaali mu muviri anoho niiva gaali amalola mba, navuzwa Nyasaye yenyine niyie umanyi.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Kwidzulitsa 10:14

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.