1 Avami 8:23 - KITABU KITAKATIFU

²³ nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Avami 8:23 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

2 Samweli 7:22

Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 6:12

“Niiva ulatia malago gange goosi, ndakokolera cha ndasuuviriza baba woovo Daudi.

1 Avami 8:24

Ivi udukiza lilagana liilio na avandu vovo kandi uvamanyia vuyanzi vuvwo lwa vamenya mu lisuuviriza lia walomba ku baba wange Daudi; Lero vuli likuva limali kutwekizwa.

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

Ezara 1:3

Kusaala Nyasaye ayaanze ave harara nimunyi vosi avaveeye avandu veve. Gamuduukira muzie Jerusalemi na mwumbake uvuhia Litembeli lia Yahova, Nyasaye wa Isiraeli, ni Nyasaye usigamirawa mu Jerusalemi.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 113:5

Si haali numulala kuli Yahova Nyasaye wiitu. Amenyaa igulu mwigulu,

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Kwidzulitsa 7:12

“Nimuhuliriza malago yaga goosi nukugalonda nu vusuuvirifu, kandi kugakola, ahene yaho Yahova Nyasaye winyu aladuukiza lilagana lilie nimunyi kandi alamanyia vuyanzi vwivwe vutaveeye nekeheri kuli yasuuviriza avaguuga vinyu.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.