1 Avami 8:22 - KITABU KITAKATIFU

²² Hene yaho, imbiri wa vandu, Solomoni yazia nasingira imbiri wu vwali wa Yahova, uwa yaginga makono geege mwigulu

1 Avami 8:22 ပူးပေါင်းရင်းမြစ်များ

1 Avami 8:54

Inyima wa Solomoni yaali niyakamara lisaala kandi ligoonya yili liosi ku Yahova, yasingira imbiri wu vwali vwa Yahova, aha yaali nasigami, na gingi makono geege mwigulu.

2 Avami 11:14

Mwene yimwo, yalora mwami muhia nasingiyi ahimbi ni itiru ha vwingiliru he Litembeli kuli gwaali umwima. Yakumbirizwa na vanene va vasikari kandi na vakubi vi visiliva, na avandu vosi vaali ni vahanzuka nu vusangali kandi ni vakuba visiliva. Hene yaho Azalia yatandula zinguvu zizie mu vovereri, nahanzuka; “Gaveeye vwibaali, uvwibaali!”

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

Ezara 9:5

Lwing'inga yaduuka yu kuhaana kisiuviriru cha mugorova, ndaasingira kutura handaali ninzikaye mu vovereri, kandi ndaali ningikiri ni zinguvu ziatanduka. Ndaasigama hasi mu lisaala kandi ning'inga makono gange ku Yahova Nyasaye wange.

Ayubu 11:13

Ayubu, nuuva nuwiganira mu mwoyo gugwo, ulanyiira makono googo ku Nyasaye.

Zaburi 28:2

Umbulirize lwa nzanira ku ivi ongonye, lwa ng'ingaa makono gange kohenziza ku Litembeli liilio litakatifu.

Zaburi 63:4

Ndakusandiza mu livamwoyo liange liosi, ndaginga makono gange igulu ku ivi mu lisaala.

Kutwula 33:10

Lwa avandu valora munara gwi lilesi nigusingiyi imbiri wu vwingiliru vwi Lihema, vinamaa hasi. Vuli mundu yasigamiraa Yahova ha lihema lilie.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Kutwula 9:33

Musa yatura ku Mwami mu lidaala. Yaginga makono geege igulu mulisaala ku Yahova. Lihiligana lie inguba, niimbura yamagina viosi vialekera kukuba.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.