1 Avami 8:20 - KITABU KITAKATIFU

²⁰ “Kalunu Yahova Umali kutwekiza lisuuviriza lilie. Inzi mali kuvugura vogono vwa baba wange kuli mwami wa Isiraeli, kandi mali kwumbaka Litembeli kigira lisigamira lia Yahova Nyasaye wa Isiraeli.

1 Avami 8:20 ပူးပေါင်းရင်းမြစ်များ

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

1 Avami 1:48

Maku mwami Daudi niyinama hasi ku kidali chiche nasaara, navoora ‘Gendi kwizominyi Yahova, Nyasaye wa Isiraeli, umali kokora mulala kuvo kulwivulu lwange kuvugura ovogono vwange kuli mwami; kandi okoli inzi mbe mwoyo kolola inguuva yiyi!’ ”

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 138:2

Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Ezekieli 37:14

Ndakahuuzi mwika gwange muvo, na mbakole navave mwoyo, kandi ndavaleka vamenye mu kivala chavo aveene. Maku navamanye ndi, inzi mbeeye Yahova. Mali kulaga ndi ndakora yaga, kandi ndakora. Inzi, Yahova, mali kovora.”

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Vikolwa 7:47

Navuzwa yaali Solomoni uwamwumbakira inyumba.

Varumi 4:21

Yaali nagiligali ndi Nyasaye anyala kokora cha amali kulaga.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Joshua 21:45

Yahova yaali niyalomba lisuuvirizwa linyingi ku vandu va Isiraeli, kandi siyavunaga kali lilala kugo mba.