1 Avami 8:16 - KITABU KITAKATIFU

¹⁶ ‘Kutura ing'inga ya ndatuliza vandu vange mu kivala cha Egebeti, ningikiri kotovola lidaala linene ku goosi mu kivala choosi cha Isiraeli mwi Litembeli linyala kwumbakwa na ha nyara kusigamirwa. Navuzwa ndatovora ivi, Daudi, kwamiiha vandu vange.’ ”

1 Avami 8:16 ပူးပေါင်းရင်းမြစ်များ

1 Avami 11:36

navuzwa ndaleka muyaayi wa Solomoni, na alindi. Ihiiri ndala, kunangwa ndava kazozo ni kisukururwi chu mutumikiri wange Daudi niyamiha mu Jerusalemi, lidaala lia inzi mali kotovola kuli havundu ha sigamirwa.

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

1 Kyetsinyinga 17:3

Navuzwa uvudiku yivwo, Nyasaye yavolera Nazani,

1 Kyetsinyinga 28:4

Navuzwa Yahova, Nyasaye wa Isiraeli, yandovola kutura ku avinyumba ya baba wange vosi kuva mwami wa avandu va Isiraeli vosi kulwa mihiga ni mihiga. Yatovola ihiiri ya Yuda ukuhaana aviimiliri, na kutura mu ihiiri yiyi, yatovola avinyumba ya baba wange. Kutura munyumba yange yoosi, uvulariri vwivwe kumbugura no kongola mbe mwami ku Isiraeli vosi.

Nehemia 1:9

Navuzwa niiva mulirana ku inzi, nukuhulira malago gange, ahene yaho kali niiva avandu vinyu vasalanywa vaveeye ihale ligali ku keheri chi lirova, ndavavungiza kutura yo kandi mbaleete havundu ha inzi ndovoye nduuki kusigamirwa.’

Zaburi 132:13

Yahova umali kotovola Ziyoni; yenyaa kulikola live hango hehe:

Zaburi 78:70

Yahova Nyasaye yatovola mutumikiri weve Daudi; naamutuliza ku miyinzi ju vwayi vwa magondi,

Zaburi 89:3

Ivi wavoola, “Mali kolomba lilagana liange nu mutumikiri wa Inzi mwene ndaatovora; kandi mali kusuuviriza mutumikiri wange Daudi nokovoora,

Jeremia 7:12

Kalunu muzie Shilo, havundu haali hukutanga inzi kotovola kuva ahukusigamira; na mulole agandakola kigira uvwoni vwa avandu vange Isiraeli.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”