1 Avami 8:15 - KITABU KITAKATIFU

¹⁵ Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Avami 8:15 ပူးပေါင်းရင်းမြစ်များ

2 Samweli 6:18

Lwa yaali niyakamara lihaana visiuviliru, yagasiza avandu vosi mu lieta lia Yahova Wanyala Viosi.

2 Samweli 7:25

“Na kalunu, Yahova Nyasaye, dukiza ku zing'inga ziosi, lilagana lia walomba ku inzi kandi visukululwi viange, na okole ga wavoola ulakola.

2 Samweli 7:5

“Zia ovoolere mutumikiri wange Daudi ndi inzi muvooleraa, ‘Siaveeye ni ivi unyumbakira litembeli menye mu mba.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

1 Kyetsinyinga 17:12

Oyo alava niye ulinyumbakira Litembeli, kandi ndalora ndi endeve yeeye yu vwami ilazizagilira mihiga ni mihiga.

1 Kyetsinyinga 22:10

Mwene uyu alakanyumbakiri Litembeli. Alakave mwana wange, na ndakave baba weve. Endeve yu vwami vwivwe ilaamiiha Isiraeli mihiga ni mihiga.’ ”

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

2 Kyetsinyinga 20:26

Ku lidiku lia 4, vavugana mu livona lia Beraka, ma nivasandiza Yahova ku gayaali navakoleeye. Kulwayago, havundu yaaha hamanya ni halangwa - “Livona lia Beraka” kuduuka kalunu ndi.

2 Kyetsinyinga 6:4

Hene yaho, yavoola, “Yizominywe Yahova Nyasaye wa Isiraeli! Amali kutwekiza Lisuuvirizwa lia yalomba ku baba wange Daudi, lwa yamuvolera,

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 115:18

Navuzwa kunyi avakoveeye mwoyo, kulahaana lisandiza kuye kalunu kandi ku mihiga ni mihiga. Mwizominyi Yahova!

Zaburi 138:2

Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Isaya 1:20

Navuzwa niiva mulasuura nu kwibaala ku inzi, mulitwa nikivavi. Inzi Yahova mali kovora.”

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 1:70

Kuli yalaga kale kuvitira mu vaporofeti veve vatakatifu

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Joshua 21:45

Yahova yaali niyalomba lisuuvirizwa linyingi ku vandu va Isiraeli, kandi siyavunaga kali lilala kugo mba.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Samweli 25:32

Daudi yavolera Abigaeli, “Yahova Yizominywi Nyasaye wa Isiraeli, ukutumi lidiku linu kuuza kwagana niinzi!