1 Avami 8:12 - KITABU KITAKATIFU

¹² Maku Solomoni yasaala navoora: “Ivi, O, Yahova umali kuviika liuva mu vwerefu igulu, nitali ivi umali kotovola komenya mu malesi kandi mu kisundi.

1 Avami 8:12 ပူးပေါင်းရင်းမြစ်များ

2 Samweli 22:10

Yavukanyia ligulu kandi niyiika hasi, kisundi kenene chaali isi wi virenge vivie.

1 Avami 8:11

gaaka nuvulavu vohemahemanga kuli loheni lwi liiva liu uvukumi vwa Yahova, kandi sivali vanyara kwirana mu kokora miruka jaavo mba.

Nehemia 8:5

Ezira yakunura kitabu zana. Avandu vosi vaali vanyara kumulora kigira yaali nasingiyi igulu wavo; na nonoho lwa yakunura kitabu yicho, avandu vosi vasingira.

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Kutwula 20:21

Navuzwa avandu vazizagiliraa kusingila ihale, na Musa yeng'ine yisunda ahimbi ku lilesi limwamu, aha Nyasaye yaali.

Isaya 45:15

Aveeye Nyasaye wa vandu va Isiraeli kandi muhonyi wa vandu veve. Aveeye Nyasaye wivisaa umwene.

Kyavalevi 16:2

Yahova yavolera Musa, “Volera amwavo woovo Haruni ndi ni ku ing'inga idukanaa iyanyala kwingira inyima wi isuuka ikingaa havundu hatakatifu ligali, kigira niho ha inzi ndolekaa mu malesi igulu wi kikuniku keveeye ku Lisandugu lia malago; niiva sialahulira mba, aliitwa.

Kwidzulitsa 4:11

“Muvoolere avana vinyu kuli mwazia nimusingila hi kiguru kitangiraa nikifumiywi na malesi malitu gu mwoki mumwamu kandi muliru gwakaa lomemo kuduuka mwigulu.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Vahebraina 12:18

Munyi simuuzi kuli avandu va Isiraeli vaza, ku cha munyala kudiira ku, ku kiguru cha Sinai chakaa muliru, ku kisundi, ku lilesi limwamu, kandi ku kihuzuzi,