1 Avami 7:49 - KITABU KITAKATIFU

⁴⁹ Vinara likomi vie zitaya viasingira imbiri wa Havundu Hatakatifu ligali vitano kolovega lwi Isavaalu kandi vitano kolovega lwi Ivaale; vimuli, zitaya, kandi vigumiliru via manda gumuliru;

1 Avami 7:49 ပူးပေါင်းရင်းမြစ်များ

2 Kyetsinyinga 4:20

vinara vie zitaya ni zitaya zie zahabu indahi izienyekaa ziaduki imbiri wa Havundu Hatakatifu ligali, kolondekana ku lilohiza;

2 Kyetsinyinga 4:7

Yalomba vinara vie zahabu 10 vie zitaya kuli galohizwa, kandi naavisingiriza mu Litembeli, 5 kulovega lwa Ivaale na 5 kolovega lwi Isavaalu.

Kutwula 25:23

“Olombe emesa kutura ku zimbaho zie kikuma, yu vutambi vwi zisendimita 88, nuvuvambalaru vwi zisendimita 44, nu uvutambi vwukuzia igulu vove zisendimita 66.

Kutwula 39:37

kinaara chitaaya chizahabu indahi, zitaya ziayo, viju viazio viosi, kandi maguta gizitaaya;

Jeremia 52:19

Vaavugura kindu choosi chalombwa ku izahabu anoho ifeza: Zisahani zinguzuzu, vifulia vitumikanga kuginga amanda gumuliru, zisahani zitumikanga kukinga amasahi kutura ku ivisiuviliru, iviju vivika iligoke, itiiru yi itaya, iviju vitumikaa kusamba vimuli viumwayu, kandi nizisahani zitumikaa kusundura isadaka yi iwaini.

Livalidza 4:9

Valavugula inguvu ya bulu ma vakuniki ku kinaara chi taya, harara ni zitaya ziacho, makasi, izinju, harara ni viju viosi via maguta.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.