1 Avami 7:36 - KITABU KITAKATIFU

³⁶ Vidiliru ni zimbaho ziung'anywa viasiafwa ni vifananyi via (vakerubi) zisimba, kandi misaala ja makindu, hoosi huvwiyangu vwali kigira viene yivio; na mangirinya givifananyi vifanaa zinyumba zia mang'oru kuvikumbiriza.

1 Avami 7:36 ပူးပေါင်းရင်းမြစ်များ

1 Avami 6:29

Madigi gu uvuhiilu kandi keng'oze chu mugati goosi gaali nigasiahiywi na mangirinya gi vilombe vie zimbaha, misaala ja makindu kandi na kimuli.

1 Avami 6:32

Miliango zana jasiafwa na mangirinya gi vilombe vie zimbaha, kandi misaala ja makindu kandi vimuli. Miliango, vilombe viezimbaha ni vimuli viafumwa ni zahabu.

1 Avami 6:35

kandi jasiafwa na mangirinya gi vilombe vie zimbaha, misaala ja makindu, kandi vimuli viakunikwa vulahi keleng'ani ni zahabu ku.

1 Avami 7:29

ni vifananyi kuli Zisimba, zigiriki, kandi vilombe viezimbaha ku zimbaho ziahambanywa zana; kandi ku zifuremu igulu kandi isi wi ving'ang'a ni zigiriki, viali ho vifananyi viavodong'anywa kuli zinyumba zia mang'oru

1 Avami 7:35

Lukingiri lwi zisendimita 22 kukumbiriza zisonga zia vuli ligare. Vidililiru vialio nizimbaho viali kutura ku kedonye kilala ni ligare.

1 Avami 7:37

Kunangwa nindio magare zana galombwa; viosi viafanana, niviveeye novonene vulala vwere kandi mufano mulala mwere.

Ezekieli 10:14

Vuli makerubi yaali ni lifana liu mumoni haali kane. Mumoni mwukutanga mwali mwi giriki, mumoni mwa kaviri mwali mwu mundu, munoni mwakavaga mwali mwi simba na mumoni mwakane mwali indizu.

Ezekieli 40:31

Keng'oze yiki chaali chahenzana nu mugizi gwi chova, kandi misaala ja makindu ijavazwa jaali ku madigi gavio, vika viu kunina igulu mu kirivwa yiki viali munane.

Ezekieli 40:37

Keng'oze chu muvwingiliru chaali kolovega lwu mugizi gwichova. Misaala ja makindu ijavazwa jali ku madigi gumugati. Vika viu kunina igulu mu kirivwa yiki viali munane.