1 Avami 7:29 - KITABU KITAKATIFU

²⁹ ni vifananyi kuli Zisimba, zigiriki, kandi vilombe viezimbaha ku zimbaho ziahambanywa zana; kandi ku zifuremu igulu kandi isi wi ving'ang'a ni zigiriki, viali ho vifananyi viavodong'anywa kuli zinyumba zia mang'oru

1 Avami 7:29 ပူးပေါင်းရင်းမြစ်များ

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

1 Avami 6:27

Viavikwa kukagatana na Havundu Hatakatifu ligali Hoosi, kunangwa zimbaha ziavio nizinyirika ziadirana hagati he keng'oze; niizisonga zie zimbaha zindi nazio nizidiira madigi.

1 Avami 7:25

Lidangi liasingirizwa ku migongo ji vifananyi vie zigiriki zie migasalikomi na ziviri ziaheenza lovega lwi chova, zivaga nizihenzi mu vuli lovega.

1 Avami 7:28

Galombwa ku zimbaho ziahambanywa harara ziavikwa mu zifuremu,

1 Avami 7:30

Vuli ligare lie zing'ombe liali ni virenge vine viu migasa viukusingirizira. Ha zikona zine, viali ho vidiliru vie migasa vine viadiira ku ebenzeni. Vidiliru viukusingiriza yivio viasiafa mangirinya gi vifananyi vifanana nizinyumba zia mang'oru

Kutwula 25:18

Olombe kandi vakerubi vaviri vi zahabu yaduywa.

Kutwula 37:7

Yalomba avakerubi vaviri kutura ku zahabu yaduywa,

Ezekieli 1:10

Vuli kelombe keveeye mwoyo chaali ni lifana zing'ano zine: Lifana liu mundu mu zimoni, lifana lie simba ku mukono mulungi, lifana lie giriki ku mukono mumosi, kandi lifana lie indizu kolovega lwu mugongo.

Ezekieli 10:14

Vuli makerubi yaali ni lifana liu mumoni haali kane. Mumoni mwukutanga mwali mwi giriki, mumoni mwa kaviri mwali mwu mundu, munoni mwakavaga mwali mwi simba na mumoni mwakane mwali indizu.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Vahebraina 9:5

Igulu wi Lisandugu lia malago yilio haali ho ni vilombe vie zimbaha vimanyiaa uvukumi vwa Nyasaye vialangwa “vakerubi”, na zimbaha ziavo ziakunika havundu hi zimbavasi, hu vwoni vwasaamihirwa. Navuzwa kalunu sieveeye ing'inga yu kwivaala ivindu viosi muvutambi mba.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

Likunula 5:5

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”