1 Avami 7:14 - KITABU KITAKATIFU

¹⁴ Baba weve, waali ni yakuza, yaatulaa Tiro, kandi naye yaali muturi wi migasa wizura vogeri nilimanya; mama weve yatura mu ihiiri ya Nafutali. Huramu yaali musiza mugeri kandi wilimanya linyingi ligali Yaavugilira votovoli vwu Mwami Solomoni yamutovola kusingilira miyinzi josi ju mugasa.

1 Avami 7:14 ပူးပေါင်းရင်းမြစ်များ

2 Kyetsinyinga 2:14

Mama weve yaali mulala ku avi ihiiri ya Dani, na baba weve yiivulwa mu Tiro. Yamanya uvusiza vwo kolomba vindu kutura kuizahabu, ifeza, mugasa, vivia kandi Zimbaho; kandi ku zinguvu zie Irangi yu muzambarao, inzakanyu, bulu kandi ikatani indahi. Anyala kokora miyinzi jokong'ora mangirinya ku magina zing'ano ziosi kandi anyala kolonda livangula ku liosi lie zing'anagani zia anyala koheevwa. Leka ayinziri harara na vasiza vovo kandi harara na yavo avayinziraa na baba woovo, mwami Daudi.

2 Kyetsinyinga 2:6

Navuzwa nivwaha unyala ligali kumwumbakira Litembeli, kigira ligulu, kali niiva igulu ligali wu mwigulu sivanyala kumuduuka? Kunangwa mbeeye vwaha nduuki kumwumbakira Litembeli, niilitali vuzwa havundu hukusamba kimuli imbiri weve?

2 Kyetsinyinga 4:11

Huramu yalomba kandi zinyingu, mijiko ni zibenzeni. Kunangwa Huramu yamaliriza miyinzi ja Yasuuviriza mwami Solomoni ndi alakola ku Litembeli lia Nyasaye:

2 Kyetsinyinga 4:16

zinyingu, vijiko kandi uvwuma kandi niviju viosi via Huramu Abi yalombera mwami Solomoni vive vie Litembeli lia Yahova Nyasaye. Viosi vialombwa ku mugasa mung'ereng'anu.

Kutwula 28:3

Laanga avasiza vosi ava mali kuhaana kuvo limanya novogeri kandi uvavoolere vanaviri Haruni zinguvu, kunangwa aduuki kusaalilwa kuli musaalisi mu vutumiki vwange.

Kutwula 35:30

Musa yavolera avandu va Isiraeli, “Yahova umali kotovola Bezeleli, mwana wa Uri, mwisukulu wa Huri kutura muihiiri ya Yuda.

Kutwula 35:31

Nyasaye umali kumuha Roho weve, muvusiza, nu muvogeri, nu mu miyinzi jizing'ano ziosi ziu vusiza,

Kutwula 35:35

Umali kuvaha ovogeri vwo kokora miyinzi zing'ano ziosi; avasiza vukuvaaza amagina, avasiza valungikizaa vulahi zing'ano ziosi ziuvusiza, avasiza vukunava ikatani indahi yirangi ya bulu, muzambarao ninzakanyu, kandi avasiza vi zinguvu zing'ano ziosi. Vanyara kokora zing'ano ziosi zie miyinzi kandi vaveeye avageri vukulungikiza miyinzi josi juvusiza.

Kutwula 36:1

“Bezeleli, Oholiabu na vasiza vandi vosi ava Yahova yaaha ovogeri kandi limanyiriza, avamanyi kuli vanyara kolomba vindu viosi ivienyekaa kwumbakira Lihema litakatifu, kuduuka valombe vindu viosi kuli Yahova amali kulaga.”

Kutwula 36:8

Avasaza vo vogeri vwu vusiza vosi hagati ha vandu avakolaa miyinzi valomba Lihema liu Kuvuganira mu na Yahova. Valilomba kutura ku vidonye likomi vie ikatani indahi yaanavirwa mu uvwoya vwi irangi ya bulu, muzambarao kandi inzakanyu, kandi iyanavirwa ku amangirinya gi vifananyi via vakerubi.

Isaya 28:26

Amanyi vulahi kuli anyala kokora miyinzi jije, kigira Nyasaye yamala kumwigiza.