1 Avami 3:7 - KITABU KITAKATIFU

⁷ O, Yahova Nyasaye, ivi umali koleka inzi mbuguli vogono vwa baba wange Daudi kuli mwami, kali nimbeeye vuzwa mwana mukekeeke ligali kandi simanyi kuli nzamiiha mba.

1 Avami 3:7 ပူးပေါင်းရင်းမြစ်များ

2 Samweli 5:2

Ku maziambiri, lwa Saolo yaali nakikiri mwami wiitu, ivi wimilira avandu va Isiraeli kuzia muvulwani, kandi Yahova yakusuuviriza ndi ivi ulimilira avandu veve na ulava mwami wavo.”

1 Kyetsinyinga 22:5

Daudi yevolera; “Muyaayi wange Solomoni aveeye mwana musoleri kandi vugira limanya; na Litembeli liumbakirwa Yahova kuduuka live linene kandi lilahi, na liu kwizominywa kandi liu vukumi mu zimoni zie zihiiri ziosi. Kunangwa ndalomba lietegekiza lia lio liosi.” Kunangwa Daudi yalomba vindu vinyingi mu lietegekiza uvwumbaki nakikiri kukuza.

1 Kyetsinyinga 22:9

Navuzwa yanombera lisuuvirizwa. Yavoola, ‘Ulivuula muyaayi uliamiihi mu mirembe, kigira ndakamuhe mirembe kutura ku avasigu veve vosi. Lieta lilie lilakave Solomoni, kigira mu ing'inga yi liamiiha lilie, alakahe Isiraeli mirembe no vosoosi.

1 Kyetsinyinga 29:1

Mwami Daudi yalandizira livugana liosi: “Muyaayi wange Solomoni niye wa Nyasaye amali kotovola, navuzwa akikiri musoleri kandi vugira limanya. Miyinzi jenyekanga kokolwa ni minene, kigira yiyi si eveeye inyumba yu mwami wa avandu, navuzwa Litembeli lia Yahova Nyasaye.

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Kohelethu 10:16

Kivala kevezaa mu vudinyu lwu mwami wacho aveeye muyaayi, na vimiliri vacho vaveeye mulisaangala lie lilia vudiku vwosi.

Jeremia 1:6

Maku ndaavoora, “Ai, Yahova Nyasaye! Henza, inzi si manyi kumoloma mba, kigira mbeeye vuzwa mwana mukekeeke.”

Jeremia 1:7

Navuzwa Yahova yambolera, “Utavoola oveeye mwana mukekeeke mba, navuzwa zia ku avandu vangutumaa ku na uvavoolere goosi aga inzi nokovora.

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Danyeli 5:21

Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Livalidza 27:17

no kuvaha malago mu vulwani, kunangwa avandu vovo vosi vavuli kololeka kuli magondi gataveeye nu mwayi.”

Yohana 10:9

Inzi mbeeye kirivwa. Ku vosi uwingira kuvitira ku inzi alahonywa; alingira kandi atuli ichova kandi alanyoola vwayiru.

Kwidzulitsa 31:2

navavoolera, “Inzi mbeeye ni mihiga mia moja na sirini kandi simbeeye unyaliza kuva mwimiliri winyu mba. Kandi komeeda ku yaga Yahova amali kombolera ndi sindambuka mugera gwa Jorodani mba.

1 Samweli 18:16

Navuzwa vuli umundu mu Isiraeli na Ivuyuda vayaanza Daudi kigira yaali mwimiliri wovogeri mu likora lilie.