1 Avami 3:3 - KITABU KITAKATIFU

³ Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

1 Avami 3:3 ပူးပေါင်းရင်းမြစ်များ

1 Avami 11:34

Navuzwa sindatuliza vwami vwosi kutura ku Solomoni, kandi ndamuviika mu vwamihi ing'inga yoosi lwaveeye mwoyo. Ndakora ndio kigira mutumikiri wange Daudi, wandatovola kandi wagumira malago gange.

1 Avami 11:38

Niiva ulambulira inzi ligali, omenye kolondekana na malago gange, kandi onyoore livugilirwa liange ku likora ga ngulaga, kuli mutumikiri wange Daudi yakola, ndava niivi kazozo. Ndakokola mwami wa Isiraeli kandi ndore ndi visukululwi vivio vilamiiha inyima woovo, kuli mali kokolera Daudi.

1 Avami 11:4

kandi kuduuka ku ing'inga ya yaali niyakaduuka musakulu, vagira nasigamiraavanyasaye vageni. Siyaali musuuvirifu ku Yahova Nyasaye weevemba, kuli baba weve Daudi mba.

1 Avami 11:6

Yakola vwoni ku Yahova kandi siyaali wiligali kuye kuli baba weve Daudi mba.

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

1 Avami 14:8

Ndaatuliza vwami kutura ku visukululwi via Daudi, na nimbuhaana ku ivi. Navuzwa ivi si waali kuli mutumikiri wange Daudi mba, waali musuuvirifu ku inzi ligali, naahulira malago gange, kandi naakora agandavugilira geng'ine.

1 Avami 15:11

Asa yakola gayaanziza Yahova, kuli guuga weve Daudi yakola.

1 Avami 15:14

Kali niiva Asa siyononyia havundu hukusigamira misambwa hoosi, navuzwa yaazizagilira kuva musuuvirifu ku Yahova mu livamwoyo lilie liosi.

1 Avami 15:3

Yakola vwoni vulala vwere kuli baba weve, kandi siyaali ligali musuuvirifu ku Yahova Nyasaye weve, kuli guuga weve Daudi yaali mba.

1 Avami 15:5

Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

1 Avami 22:44

Jehoshafati yalomba mirembe numwami wa Isiraeli.

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 8:25

Kalunu, Yahova Nyasaye wa Isiraeli, saalanga ndi ivi kandi uladukiza lisuuviriza lindi lia walomba ku baba wange Daudi, lwa wamuvoolera ndi halava ho na mulala ku visukululwi vivie niyamiha kuli mwami wa Isiraeli; niiva vilahulira ivi vulahi ligali kuli yakola.

1 Avami 8:61

Kunangwa, leki mioyo jinyu jive midukiru kandi jiligali ku Yahova, Nyasaye wiitu, kogenda no komenya mu zinzira zizie ziosi kogenda mu miima jije, kandi kugumira malago geege, kuli gaveeye lidiku lia lero.”

1 Avami 9:4

Niiva ulandumikira nu vusuuvirifu vwosi, nagiligali gu mwoyo kandi nuvulungi kuli Baba woovo Daudi yakola, kandi niiva ulahulira malago gange goosi, nokokola vindu viosi via ngulaga,

2 Avami 12:3

Nitali, ha vundu hu kusigamira misambwa sihononywa mba na vandu vazizagilira kuhaanira ho ivisiuviliru kandi kusambira ho vimuli.

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

2 Avami 14:3

Yakola agaali gu kuyanziza Yahova, navuzwa siyali kuli guuga weve mwami Daudi mba. Muvogono yivwo yakola aga baba weve Joashi yaali naakori.

2 Avami 14:4

Navuzwa siyasambula havundu hu kusigamira misambwa, na avandu vazizagilira kuhaanira ho visiuviliru nu kusamba kimuli.

2 Avami 15:35

Navuzwa havundu hu kusigamira misambwa sihononywa mba. Avandu vazizagilira kuhaana visiuviliru nu kusaamba vimuli ahene yaho. Yaali Jozamu uwaakola zinguru kwumbaka kirivwa cha ivaale chi Litembeli lia Yahova.

2 Avami 15:4

Navuzwa havundu hu kusigamira misambwa sihononywa mba, na vandu vazizagilira kuhaanira ho ivisiuviliru kandi kusamba vimuli.

2 Avami 18:22

Munene wa Asiria, yaazizagilira navoora, “Anoho, munyala kumbolera ndi munyi musuuviraa mu Yahova Nyasaye winyu? Haali hu kusigamira hatakatifu kandi uvwali vwa Hezekia yononyia, lwa yavolera avandu vi Ivuyuda na Jerusalemi vasigamiri vuzwa ha vwali voveeye mu Jerusalemi heng'ine.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Kyetsinyinga 15:17

Kali niiva mwami Asa si yononyia havundu hoosi hu kusigamira misambwa mu kivala, navuzwa yaali musuuvirifu ku Yahova mu livamwoyo lilie.

Zaburi 145:20

Yahova alindaa yavo vosi avamuyanzaa, navuzwa aladiviza avachamu vosi.

Zaburi 31:23

Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

Kyavalevi 17:5

Kivuni chi lilaga yili keveeye ndi, avandu va Isiraeli kalunu valaleta ku Yahova zinyama zia vasinzira mu viguuti. Kalunu valazileeta ku Musaalisi ha vwingiliru vwi Lihema nukuzisinza kuli vihaanwa vie mirembe.

Matayo 22:37

Yeso yamutivulira, “Uyaanze Mwami Nyasaye woovo nu mwoyo gugwo gwosi, ni livamwoyo liilio liosi, no vogeri vuvwo vwosi.

Yohana 14:15

“Ni muva ni munyanza, mulagumira amalago gange.

Yohana 14:21

“Uyu uvugilira amalago gange nukugagumira, uyu niyie uyanzaa, na uyu unyaanzaa Baba wange alamuyaanza nainzi kandi ndamuyaanza kandi ndivuura inzi mwene kuye.”

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 10:13

kandi muhuliri malago geege goosi, nimiima jije josi iga mbana ku munyi kalunu kulwu vulahi vwinyu aveene.

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Samweli 9:12

Avakaana yavo vaativura, “Yee, aveeye mu. Aveeye vuzwa imbiri winyu. Nimugenda vwangu, mulamunyoola, umali kuuza vuzwa lwene yilu mu lidaala lietu kigira vandu vazizaa kuhaana kisiuviriru ku vwali lero ndi.