1 Avami 3:15 - KITABU KITAKATIFU

¹⁵ Solomoni yavuka ma namanyiriza ndi Nyasaye yaali komoloma naye mu maloto. Maku yirana Jerusalemi, nasingira imbiri wi Lisandugu lie Lilagana lia Yahova kandi nahaana vihaanwa viukusambwa kandi vie mirembe ku Yahova. Inyima wa yago, yalombera vatumikiri veve lilia.

1 Avami 3:15 ပူးပေါင်းရင်းမြစ်များ

Litanga 28:16

Maku Yakobo yavuka kutura mu zindolo, navoora, “Gaveeye agiligali Yahova aveeye havundu hano navuzwa si ndamanya mba!”

Litanga 31:54

Yakobo yahaana kisiuviriru ku kiguru, ma naagenihiza aviiko veve mu lilia. Inyima wa vaali ni vakalia, vaali mu lilinda uvudiku vwosi ku kiguru.

Litanga 40:20

Lidiku lia kavaga, liali liu kwizuliza liivulwa liu mwami. Yalomba lilia linene ku vatumikiri veve vosi. Maku yalanga mulindi weve wi iwaini kandi mudeeki weve. Yavaleeta imbiri wa vatumikiri veve.

Litanga 41:7

Viangala viali ving'erere viamira viangala viali vikomeru. Hene yaho, mwami yavuka kutura mu zindolo, na yamanya ndi yaali mu maloto.

1 Avami 3:16

Lidiku lilala, vakali malaya vaviri vaza nivasingira imbiri wu mwami Solomoni.

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Avami 8:65

Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

1 Kyetsinyinga 16:3

Maku yahaana viukulia ku vandu vosi va Isiraeli. Yaaha musaza kandi mukali sa mulala imango yu mugadi, inyama isambe na mazabibu guminywa.

2 Kyetsinyinga 7:5

Mwami Solomoni yahaana visiuviliru vie zing'ombe 22,000, amagondi 120,000 kuli vihaanwa vie mirembe. Nandio Solomoni na vandu vatakasa Litembeli lia Nyasaye.

Esther 1:3

Mu muhiga gwa kavaga gwu vwamihi vwivwe, yalombera avanene na avamihi vi vivala vivie vosi iliilia linene. Amahi kutura Pasia na Media, vaali ho harara na avamihi na avuvunyali vi vivala vivie yivio.

Jeremia 31:26

Kunangwa avandu valakavoole, ‘Inzi ndaazia kogona ma nimbuka nimbeeye nizinguru.’

Danyeli 5:1

Vudiku vulala mwami Belishaza yagenihiza vandu vanene 1,000 kutura munyumba yu vwami mu lilia linene, na vanwa iwaini harara.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Marko 6:21

Lwu kumaliriza Herodia yanyoora uvwiyangu vwivwe. Lwi lidiku lie liivulwa lia Herodi liaduuka, Herodi yalombera avanene veve vosi, harara na vakulundu va Galilaya vosi lilia.