1 Avami 22:8 - KITABU KITAKATIFU

⁸ Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

1 Avami 22:8 ပူးပေါင်းရင်းမြစ်များ

Litanga 37:8

Avamwavo veve vateva, “Ivi uganagana ulava mwami ma ukwamihi?” Kunangwa vaamudunyira ligali kigira maloto geege kandi agayavoola kuvo.

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Avami 19:14

Elija yativura navoora, “Yahova Nyasaye uvunyali, inzi ngutumikiraa ivi weng'ine kazozo nuvugulu vwosi. Navuzwa avandu va Isiraeli vamala kuvunayia lilagana liavo niivi, vaazooma hasi vwali vuvwo vwosi, nukwita avaporofeti vovo vosi. Inzi niyie utigaye zieng'ine na vageriza kunzita.”

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:13

Ku ing'inga yeyo, mutumikiri waali naaziyi koleta Mikaya yamuvolera, “Avaporofeti vandi vosi vamali koporofeta vuguuti ku mwami, na vwakaveeye vulahi ligali na ivi wakakoli ndio.”

1 Avami 22:18

Mwami Ahabu yavolera Jehoshafati, “Singovoleye ndi siaporofetaa ku kindu kilahi ku inzi mba, navuzwa uvudamanu vweng'ine?”

1 Avami 22:27

Uvoolere vamuviki vuhambe kandi umulie mugadi namazi mere kuduuka lwa nzirana nimirembe.”

1 Avami 22:7

Navuzwa Jehoshafati yateeva, “Haveeye ho muporofeti wundi wa Yahova uwa kunyala koteeva uvulariri vwa Nyasaye?”

1 Avami 22:9

Maku mwami Ahabu yalanga mutumikiri mulala namuvolera, “Zia vwangu oleete Mikaya muyaayi wa Imula.”

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Zaburi 34:21

Uvudamanu vwitaa vachamu yavo avadunyiraa avalungi, valahevwa amageri.

Tsing'ano 15:12

Avandu vaveeye avelori sivayanzaa amigizu mba, kandi sivatevaa kwenya limanya kutura ku vandu vaveeye novogeri mba.

Tsing'ano 29:10

Avandu valumindi vasuura vandu vataveeye nimbara, navuzwa vandu vachamu venyeleriza kwita avalungi.

Tsing'ano 9:8

Utagondokera mundu mwelori mba, alakuduunyila. Navuzwa nogondogera mundu oveeye nilimanya alakwegehizila.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 30:10

Vavoolera avaporofeti vakiring'ane. Vavoola, “Mutamolomi kukunyi kigira agaveeye malungi mba. Mukovolere agakweenya kuhulira. Leki kulindi guvugadi giitu.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 36:23

Nonoho lwa Jehudi yaali ni yakasoma lilohiza lia kavaga anoho lia kane lia mang'oda, umwami yavugula ikaratasi ilingiywi naagikaranyia nu muvano ma nagisiuva mu muliru kuduuka niihia ligali.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Mika 2:7

Muganaganaa vandu va Isiraeli valamwa? Muganaganaa Yahova umali koleka uvwikuziri vwivwe? Muganaganaa anyala kokora vindu kuli yivi? Omolome novohooma ku yavo avakolaa uvulungi?”

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Yohana 17:14

Inzi mali kuvaha likuva liilio kandi avumukivala vavadunyira kigira yavo sivaveeye avumukivala mba, kuli inzi simbeeye wumukivala mba.

Yohana 7:7

Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Vagalatia 4:16

Kunangwa, mali kugwa musigu winyu mu limuvoolera agiligali?