1 Avami 22:6 - KITABU KITAKATIFU

⁶ Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

1 Avami 22:6 ပူးပေါင်းရင်းမြစ်များ

1 Avami 12:9

“Mumbezaa ganagani ki yangola? Nambolere ki avandu vandeva nombe misigo miliduhu jaavo jive miangu?”

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 18:20

Kunangwa Ahabu yalanga Vandu va isiraeli vosi na vaporofeti va Baali vaagane ha kiguru cha Karimeli.

1 Avami 22:10

Avami vaviri yavo, niviviiki zinguvu ziavo ziu vwami, vaali nivikaye ku zindeve ziavo ziu vwami ha loze ichova wi kirivwa cha Samaria, na vaporofeti vosi vaali nivaporofetaa imbiri wavo.

1 Avami 22:15

Lwa Mikaya yaduuka imbiri wu mwami Ahabu, mwami yamuteeva, “Mikaya, mwami Jehoshafati, anyala kuzia ninzi kulwana Ramozi Gileadi anoho mba?” Mikaya yativura navoora, “Zia ulingiliri! Ligali ulaguuta. Yahova alakuha uvuguuti.”

1 Avami 22:5

Na Jehoshafati yavolera mwami wa Isiraeli, “Leka kutange koteeva likuva lia Yahova?”

2 Avami 10:19

Kulwayago, naangili harara avaporofeti va Baali vosi, vosi avamusigamiraa, kandi avasaalisi veve vosi, mulala atasuva kuva ho mba, kigira mbeeye ni kisiuviriru kenene ku Baali; ku vosi uvula kuva ho aliitwa.” Navuzwa Jehu yakola yaga no vogeri vwu vugadi aduuki kwiita avasigamiraa Baali.

2 Avami 3:13

Elisha yavolera mwami wa Isiraeli, “Kigira ki ngokonye? Zia uteeve avaporofeti yavo ava baba na mama woovo vateeva.” Navuzwa Joramu mwami wa Isiraeli yativura, “Awa! Yahova niyie uviiki kunyi avami vavaga hasi hi zinguru ziu mwami wa Moabu.”

2 Kyetsinyinga 18:14

Lwa yaduuka imbiri wu mwami Ahabu, mwami yamuteeva, “Mikaya, kunyala kuzia kulwaana Ramozi, anoho kuvuli kuzia?” Mikaya yativura, “Zii mulingiliri! Yee, mulaguuta! Yahova alakokola uguuti!”

Isaya 36:10

Muganaganaa ndali kwingilira kivala chienyu nukukidiviza vugira Yahova kongonya? Yahova mwene yambolera nduuki kuchingilira nukudiviza.”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.