1 Avami 22:5 - KITABU KITAKATIFU

⁵ Na Jehoshafati yavolera mwami wa Isiraeli, “Leka kutange koteeva likuva lia Yahova?”

1 Avami 22:5 ပူးပေါင်းရင်းမြစ်များ

1 Avami 22:4

Kunangwa Ahabu yateeva Jehoshafati, “Ulazia ninzi kwingilira lidaala linene lia Ramozi mu Gileadi?” Jehoshafati yavolera mwami wa Isiraeli, “Inzi mbeeye kuli ivi oveeye, vandu vange kuli vovo, zibarasi ziu vulwani ziange kuli zizio.”

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

2 Avami 1:3

Navuzwa engelosi wa Yahova yavolera Elija muporofeti kutura Tishibe, azie kwaganira avatumwa kutura ku mwami Ahazia na avateeve, “Kigira ki muzizaa koteeva Baalizebubu, munyasaye wa Ekironi amakuva? Gaveeye kigira muganaganaa ndi sihali na Nyasaye mu kivala cha Isiraeli?

2 Avami 3:11

Mwami Jehoshafati yateeva, “Hakaveeye ho nu muporofeti uwa Yahova wa kunyala koteeva vulaliri vwa Yahova?” Maku Munene wa mahi gu mwami Joramu yativura, “Elisha muyaayi wa Shafati aveeye hano. Yaali mulondi wa Elija.”

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Ezekieli 14:3

“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

Joshua 9:14

Avandu va Isiraeli vavugilira vilala ku viukulia, navuzwa sivateeva likuva kutura ku Yahova mba.

Vakalagi 1:1

Lwa Joshua yaali niyakamara kukuza, Avandu va Isiraeli vateva Yahova, “Ni hiiri ki inyala kukwimilira muliizia kulwana Avakanaani?”

Vakalagi 20:18

Avandu va Isiraeli vazia havundu hukusigamira Yahova ha Bezeli, kandi nivateeva Nyasaye, “Hiiri ki idukanaa kwingilira vandu va Benjamini kutanga?” Yahova yativura, “Ihiiri ya Yuda.”

Vakalagi 20:23

Avandu va Isiraeli vazia nivalilira Yahova kuduuka hamugorova, kandi nivamuteeva, “Gakuduukiraa kwilane muvulwani kulwaane vandu va Benjamini avaveeye avamwavo viitu?” Yahova yavavolera, “Tuli muzie kuvalwaana.”

Vakalagi 20:29

Kunangwa vandu va Isiraeli vaviika avasikari ahivisu ahimbi na Gibea.

1 Samweli 14:18

Saolo yavolera musaalisi Ahija, “Leeta hano Lisandugu lie Lilagana lia Nyasaye.” Kigira ing'inga yeyo Ahija yaali naligingaa imbiri wa vandu va Isiraeli.

1 Samweli 23:2

Kunangwa yateeva Yahova, “Ngazia kwingilira vandu va Filisitia naho?” Yahova yativura, “Yee, vingiliri na ohonyie Keila.”

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”

1 Samweli 30:8

Daudi yateeva Yahova, “Nyara kuzia kolondelera avalanyi yavo, kandi ndavagumira?” Yahova yativura, “Zia; ulavagumira kandi ulahonyia vahambe yavo.”