1 Avami 22:3 - KITABU KITAKATIFU

³ Mwami Ahabu yateeva vatumikiri veve, “Kigira ki kukikiri kokora kindu kwirana kuvugura lidaala linene lia Ramozi mu kivala cha Gileadi kutura ku mwami wa Siria? Liveeye lidaala lietu.”

1 Avami 22:3 ပူးပေါင်းရင်းမြစ်များ

2 Samweli 19:10

Kwavaka Abisolomu amaguta kuli mwami wiitu, navuzwa witiiywi mu vulwani. Kunangwa kigira mundu atageriza kwiranyia mwami Daudi hango mba.”

1 Avami 22:29

Kunangwa mwami Ahabu wa Isiraeli nu mwami Jehoshafati wi Ivuyuda vazia kwingilira lidaala linene lia Ramozi mu kivala cha Gileadi.

1 Avami 4:13

Ben Geberi; yamiha lidaala linene lia Ramozi Gileadi, na madaala mu Gileadi gaveeye gi vikiliango cha Jairi, kisukururwi cha Manase, kandi losoma lwosi lwa Ago mu Bashani, madaala manene goosi sitini, gumbakirwa lugaga lwa madigi madinyu, kandi Virivwa vie Miruguyu ji migasa.

2 Avami 8:28

Mwami Ahazia yahambana nu mwami Joramu wa Isiraeli kulwaana mwami Hazaeli wa Siria. Mahi galwaanira ha Ramozi mu Gileadi, na Joramu yatwa zing'oma mu liihi.

2 Avami 9:14

Maku Jehu muyaayi Jehoshafati, mwisukulu wa Nimushi yaazira Joramu haasi. Kunangwa Joramu na vandu va Isiraeli vosi vaali nivalinda lidaala lia Ramozi mu kivala cha Gibadi, kigira Hazaeli mwami wa Siria.

Kwidzulitsa 4:43

Lidaala lia Bezeri, iliveeye mu kereremo chi changalangwe, liahaanwa ihiiri ya Rubeni; lidaala lia Ramozi, iliveeye mu kivala cha Gileadi, liahaanwa ku ihiiri ya Gadi, kandi lidaala lia Golani, iliveeye mu kivala cha Bashani liahaanwa ku ihiiri ya Manase.

Joshua 20:8

Ivugwi wu mugera gwa Jorodani, ku kereremo cha changalangwe ivugwi wi lidaala linene lia Jeriko, vatovora Bezeri mu kivala cha Rubeni; Ramozi mu Gileadi, mu kivala cha Gadi, kandi Golani mu Bashani, mu kivala cha Manase.

Joshua 21:38

Vanyoola madaala gane kutura mu kivala chi ihiiri ya Gadi. Madaala manene yaga gaali Ramozi mu Gileadi. Iliali lilala ku madaala guvuhaliru, Mahanaimu

Vakalagi 16:2

Avandu va Gaza vahulira ndi Samusoni aveeye mu lidaala, na vaakumbuliza havundu zana, nivamulindilira uvudiku vwosi ha kilivwa chi lidaala. Vachiring'ana uvudiku vwosi nivaganagana aveene na vene, “Kulaliinda kuduuka vuchi, ma kumwiti.”

Vakalagi 18:9

Vavativulira nivavoora, “Hambi kuzie kulwaana kivala cha Laishi. Kumali kolola ikivala, kandi keveeye ligali kigunamu. Mutikala vuzwa hano mba; koli vwangu! Tuli muzie kuvugura mu kivala yicho.