1 Avami 22:14 - KITABU KITAKATIFU

¹⁴ Navuzwa Mikaya yativura, “Ngwisuuhiraa ku Yahova oveeye mwoyo, ndi inzi ndavoora cha Yahova yambolera mbore.”

1 Avami 22:14 ပူးပေါင်းရင်းမြစ်များ

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:10

Ku Yahova oveeye mwoyo, Nyasaye woovo, nzisuha ndi mwami yavodong'ana mukivala choosi na kwenyaa mu lirova. Ing'inga yosi lwu mwamihi wi kivala yaleeta makuva ndi sioveeye mu kivala chiche, Ahabu yateevaa mwamihi oyo yisuuhi ndi ivi sionyoleki mba.

1 Avami 18:15

Elija yativura, “Ngusuuvirizaa ku Yahova wa mahi oveeye mwoyo, wa inzi ndumikiraa ndi, inzi mwene ndiimanyia ku mwami Ahabu kalunu.”

1 Avami 22:13

Ku ing'inga yeyo, mutumikiri waali naaziyi koleta Mikaya yamuvolera, “Avaporofeti vandi vosi vamali koporofeta vuguuti ku mwami, na vwakaveeye vulahi ligali na ivi wakakoli ndio.”

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Jeremia 34:6

Maku ndaavoolera mwami Zedekia makuva yaga mu Jerusalemi

Jeremia 42:4

Maku ndaativura, “Inzi mali kumuhulira, ndasaara ku Yahova Nyasaye wiitu kolondekana ni ligoonya lienyu, na goosi agaativula ku munyi, ndamuvolera. Sindamuvisa kindu kali kilala mba.”

Livalidza 22:18

Navuzwa Baalamu yavativulira, “Kali niiva Balaki alamba ifeza ni zahabu kutura munyumba yu vwami, sinyala kuvula kutia malago ga Yahova Nyasaye kali ku kindu kekekeeke mba.

Livalidza 22:38

Baalamu yativura, “Inzi sindaaza? Navuzwa kalunu zinguru ki ziambeeye nazio? Nyara kovora vuzwa cha Nyasaye yamboleeye mbore.”

Livalidza 22:8

Baalamu yavavolera, “Mugone hano, na mugamba ndamuvolera aga Yahova yamboleeye.” Maku aviimiliri va vandu va Moabu vatigara harara na Baalamu.

Livalidza 24:13

kali niiva ulamba ifeza kandi izahabu eveeye munyumba yooyo yu vwami, sindaali nyara kuhing'ana na malago ga Yahova no kokora kindu inzi mwene mba. Ndavoora cha Yahova amboleraa mbore.”

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.