1 Avami 21:3 - KITABU KITAKATIFU

³ Nabozi yativura, “Inzi ndanyoora mwandu gwi kizabibu yiki kutura ku vaguuga vange. Yahova angaye mburi koleka ivi ove nacho.”

1 Avami 21:3 ပူးပေါင်းရင်းမြစ်များ

Litanga 44:17

Josefu yavoola, “Inzi si nyara kokora ndio mba! Oyo we kekombe kenyooleki mu musigo gwigwe niyie uva mutugwa wange. Navuzwa vandi vosi munyala kwirana ku baba winyu ni mirembe.”

Litanga 44:7

Navuzwa vandu yava vamuvolera, “Mwami wiitu, yaga gaveeye kovora ki lwa ovola makuva kuli yaga? Kunyi kwisuhaa ndi, si kwakora kindu kuli yiki mba.

1 Kyetsinyinga 11:19

navoora, “Si ndakanweeye amazi yaga! Gaveeye kuli linwa amasahi ga vasaza yava, avaviiki livamwoyo liavo mu vuhimwa!” Kunangwa yasura kuganwa. Yivi viali vikolwa viu vuluviliri via avasikari vavaga vaali ni vamanyikana.

Ayubu 27:5

Sinyala kovora ligali ndi avasaza munyi muvooraa agiligali; Ndinyirizaa kovora ndi inzi simbeeye niimbala mba kuduuka likuza liange.

Ezekieli 46:18

Mwami wamihaa si alavugula miandu jaavandu mba. Mulimi gwosi gwa aha avayaayi veve kuduuka gove kutura mu mulimi gwa yahevwa, kunangwa avuli kudambiza mulala ku avandu vange nu kuvugura mulimi gwaavo.”

Kyavalevi 25:23

Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

Livalidza 36:7

Mwandu gwa vuli mundu wa Isiraeli gulatigala ku vandu vi ihiiri yeeye.

Livalidza 36:9

kandi mwandu yigu sigulatula ku ihiiri yiyi kuzia ku ihiiri yindi mba. Vuli ihiiri ilazizagilira kuva nu mwandu gwayo.”

Varumi 3:31

Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

Varumi 3:4

Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora, “Gakuduukiraa ove wagiligali lwa ovola makuva googo; gakuduukiraa uguuti kiyaalo lwa uyaalwa.”

Varumi 3:6

Si gaveeye ndio mba! Niiva, Nyasaye avula kuva umulungi, yaali unyala kuva ndi mukalagi wi lirova?

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

Varumi 6:2

Awa! Sigaveeye ndio mba! Kunyi koveeye vavoholore kutura ku vwoni, kunyala kuzizagilira ndi komenya muvwoni?

Varumi 7:13

Navuzwa yaga gamanyiaa ndi agaveeye malahi gaandetela likuza? Sigaveeye ndio mba! Vwali vwoni vwakola agene yaga; uvwoni vwavitira mu vulungi nivondeetera likuza kunangwa agiligali gu vwoni gaduuki kumanyikana kigira Lilaga. Nandio mu liiva lie Lilaga uvwoni vuduuki kumanywa ndi voveeye vudamanu ligali.

Varumi 7:7

Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

1 Vakorintho 6:15

Simumanyi miviri jinyu jiveeye vivero viu muviri gwa Kristo? Nyara ndi kuvugura kevero kilala chu muviri gwa Kristo, ngekole kuva kevero chu muviri gwu muheyi? Awa, gatava ndio kali hakuzu mba!

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Joshua 22:29

Sikwakibaaye ku Yahova ligali mba anoho koleke kumulonda lero ku liumbaka uvwali kusambira ku vihaanwa, anaho kigira vihaanwa viuvuswage anoho visiuviliru mba. Sikwakumbaki uvwali vundi ukuvita uvwali vwa Yahova vusingiyi imbiri wi Lihema liu kuvuganira mu naye.”

Joshua 24:16

Avandu vaativura, “Sikulaleka Yahova ukutumikira avanyasaye vandi kandi mba.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 24:6

Yavolera avasaza veve, “Yahova yanzigaliri mburi kokora vudamanu vwosi ku mwami wange, wa Yahova yatovola kuva mwami! Kuduuka mburi kumusaliriza munzira yoosi, kigira aveeye mwami waatovolwa na Yahova!”