1 Avami 21:29 - KITABU KITAKATIFU

²⁹ “Ukaloli kuli Ahabu yegehizi umwene imbiri wange? Kigira umali kokora yaga, sindaleeta kivi kuye mu ing'inga yi livamwoyo lilie mba; galakave mu ing'inga yi livamwoyo liu muyaayi weve lwa ndileeta kivi ku vinyumba ya Ahabu.”

1 Avami 21:29 ပူးပေါင်းရင်းမြစ်များ

1 Avami 11:12

Kali ndio, kigira Daudi baba woovo, sindakola ndio mu ing'inga yi livamwoyo liilio mba. Ndavusalanyia kutura ku mukono gwu muyaayi woovo.

1 Avami 21:28

Yahova yavolera muporofeti Elija,

1 Avami 22:1

Ku mihiga giviri Siria na Isiraeli vazizagilira komenya vugira vulwani.

2 Avami 10:1

Kunangwa Ahabu yaali ni visukululwi sabwini avamenyaa mu lidaala linene lia Samaria. Jehu yang'oda zibarwa naazituma Samaria ku avanene va Jezireeli, ku avakulundu va madaala manene kandi avaleli na visukululwi va Ahabu; ibarwa yasoma nivoola,

2 Avami 10:11

Maku Jehu yita aviiko vandi vosi va Ahabu avamenyaa mu Jezireeli, avanene veve vosi, avalina va himbi na vasaalisi; sihaali ho nu mulala walekwa mwoyo mba.

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Avami 9:24

Jehu yanyira uvuta, ni zinguru ziosi, nalasa Joramu mu kivirigani. Losere lwatoza mu mwoyo gwigwe naye yagwa mu ligare lilie lie liihi ma nakuza.

2 Avami 9:33

Jehu yavavolera, “Musiuvi haasi!” Vamusiuva hasi kutura igulu na masahi geege guhuka ku lidigi nu ku zibarasi, kandi zibarasi ziamuduvaga.

2 Kyetsinyinga 12:7

Lwa Yahova yalora ndi vamali kwegehiza aveene, yamoloma ku Shemaya kandi: “Kigira avandu vi Ivuyuda vamali kwegehiza aveene ligali imbiri wange, si ndavadiviza ligali mba. Ndavaha ovohonyi, na si ndavika vutima vwange ku Jerusalemi kuvitira mu zinguru zia Shishaka.

Zaburi 18:44

Lwa Avageni viinama imbiri wange; lwa vahuliraa agambooraa, vegehiza.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 7:17

Ivi si ololaa agavakolaa mu madaala manene gi Ivuyuda kandi mu zinzira zia Jerusalemi?

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Luka 7:44

Yeso yagirung'ana nahenza mukali na avooreraa Simoni, “Olola mukali uyu? Nyingiyi munyumba yooyo, na ivi siombeeye amazi gu kwisaava virenge viange mba. Navuzwa mukali uyu usavizi virenge viange na maliga geege, kandi weeyi maliga zana ni liisu liu ku mutwi gwigwe.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.