1 Avami 21:26 - KITABU KITAKATIFU

²⁶ Yakola vwoni vwizisoni kuvita vwosi ligali mu lisigamira vifananyi, kuli vandu va amori vaali ni vakora, va Yahova yaali niyakunga kutura mu kivala zana lwa vandu va Isiraeli visunda imbiri kukivugula.

1 Avami 21:26 ပူးပေါင်းရင်းမြစ်များ

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

1 Avami 15:12

Yakunga vasaza vandi vakora voheyi na vasaza vandi vavikwa halovega voosi kutura mu kivala chi Ivuyuda vatumikanga havundu hukusigamira misambwa ha avandu vatasuuviraa mu Nyasaye wagiligali vasaalira. Yaatuliza ho kandi vifananyi viosi via yavo vaali imbiri weve valomba.

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 17:12

Kandi ni vavura kuhulira Lilaga lia Yahova liu kuvula kusigamira vifananyi.

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

2 Kyetsinyinga 15:8

Lwa Asa yahulira makuva yago ovoporofeti vwa Azaria muyaayi wa Obedi, yavugula liluvirira. Yononyia vifananyi viosi mu kivala choosi chi Ivuyuda na Benjamini, kandi mu madaala goosi aga yaali ni yagumira mu vigulu via Efuraimu. Kandi yalomba vwali uvwali nivwoneki uvwalange imbiri wi Litembeli lia Yahova.

2 Kyetsinyinga 33:2

Yakola agaali gu vwoni imbiri wa Yahova, kolonda likora liu kuvihiliriza lie zihiiri zia Yahova yakunga kutura mu kivala imbiri wa vandu va Isiraeli.

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Isaya 65:4

Ing'inga yu vudiku vazizaa mu vilindwa kwenya zing'anagani kutura ku miroho ja vandu vakuza. Valiza zinyama zie zimbizi, kandi vanwa umunyu golombeywi kutura ku zinyama zihaanwa ku avanyasaye kuli ivisiuviliru.

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Joshua 23:9

Yahova umali kukunga zihiiri zinene kandi zie zinguru, kutura imbiri winyu na sihaveeye ho numundu ku vasigu vinyu uwasingira kulwaana munyi mba.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”