1 Avami 21:20 - KITABU KITAKATIFU

²⁰ Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 21:20 ပူးပေါင်းရင်းမြစ်များ

2 Samweli 11:27

Lwi ing'inga yilisioma yamalirika, Daudi yaamutumana yaaze munyumba yu vwami; yamanya naagwa mukali weve kandi namwivulira mwana muyaayi. Navuzwa Yahova siyayaanzizwa nicha Daudi yaali naakori mba.

1 Avami 16:30

Yakola vwoni ku Yahova kuvita yavo vosi avaari imbiri weve.

1 Avami 18:17

Lwa Ahabu yamulola, yavoola, “Ng'ani oveeye hano! Mudambizi munene kuvita vosi mu Isiraeli!”

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

2 Kyetsinyinga 18:17

Maku mwami Ahabu yavolera Jehoshafati, “Singovoleye ndi mwene uyu si aporofetaa kindu kilahi ku inzimba, navuzwa amadamanu geng'ine!”

2 Kyetsinyinga 18:7

Mwami Ahabu yativura, “Haveeye ho nu mulala utigaye, naye ni Mikaya, muyaayi wa Imula. Navuzwa mudunyiraa kigira si aporofetaa ku kindu kilahi ku inzi mba; navuzwa kidamanu vuli kazozo.” Jehoshafati yamutivulira, “Utavoola ndio mba!”

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 52:3

Yahova Wuvunyali avoora ku vandu veve: “Munyi mwagulizwa vugira mitungu josi, kandi mulava avavoholore vugira kutunga esendi kali ndala.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Ezekieli 14:4

“Kalunu, molomaa kuvo na uvavoolere aga Inzi, Yahova Wuvunyali mboraa kuvo: Vuli mundu woosi ku vandu va Isiraeli umali kuviika mwoyo gwigwe ku vifananyi nokoleka vamwimiliri mu likora uvwoni, maku vaza koteeva zing'anagani kutura ku vaporofeti, valanyora mativuli kutura ku inzi; galava mativuli gi vifananyi vivie vinyingi viduukana vinyoole!

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Marko 12:12

Avasaalisi vanene, avigizi vi Lilaga na vakulundu vageriza kugumira Yeso kigira vamanya yaali navooye ulugano yilu kigira yavo. Navuzwa vaatia ikiduma cha vandu; ku vamanya nivatura ho.

Varumi 7:14

Kumanyi ndi Lilaga liveeye lia Roho, navuzwa inzi mbeeye wi liiva lio muviri, wagerizwa kuli mutugwa ku vwoni.

Vagalatia 4:16

Kunangwa, mali kugwa musigu winyu mu limuvoolera agiligali?

Vafeso 4:19

Vamali kogotiza liiva liu kuva mu zisoni, vihaana aveene mu kifavwi chi zing'ano ziosi kandi vakora uvudamanu zing'ano ziosi vugira liegaya.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.