1 Avami 20:27 - KITABU KITAKATIFU

²⁷ Avandu va Isiraeli navo valangwa harara kandi nivahevwa viukulia niviugi; vazia kwagana nukulwana navo. Valomba hokososa haavo mu viduma viviri viahenza lovega lwa vandu va Siria. Avandu va Isiraeli vaali kuli viayo viviri vie zimburi nolenganyia na Vandu va Siria vizura kivala choosi.

1 Avami 20:27 ပူးပေါင်းရင်းမြစ်များ

2 Avami 3:6

Nonoho mwami Joramu yatura Samaria kandi navungiza harara amahi geege goosi.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Joshua 1:11

vazie kuvitira hagati mu hokososa hoosi na vavoolere avandu, “Mwetegikizi chukulia, kigira mu madiku gavaga muzizaa kwambuka mugera gwa Jorodani kwidikira mu kivala cha Yahova Nyasaye winyu amuhezaa.”

Vakalagi 6:3

Lwa vandu va Isiraeli vataga ivitagwa mu milimi jaavo, vandu va Midiani na vandu va Maleki, harara na vandu vu muchangalangwe vaza ku vingilira.

Vakalagi 6:5

Vaza ni mitugu jaavo harara na mahema gaavo nivafaana kiduma chi zisigi. Izing'amia ziavo harara naveene ziali izitanyara kuvalizwa. Vingira mu kivala yicho nivachononyia ligali.

Vakalagi 7:12

Avandu va Midiani, Maleki harara na avandu vi zihiiri ziu mwigendanyama vaaloreka kuva vanyingi mulivoona kuli izisigi, na vaali ni zing'amia izinyingi kuli umuyeka kulujinga lwinyanza.

Vakalagi 7:8

Kunangwa Gidioni yavolera vandu va Isiraeli vosi viirane yengo nitali vandu miatatu avagingaa ivindu viuvulwani ni visiriva. Hokososa ha vandu va Midiani haali mulivoona indangu wa hokososa wa vandu va Isiraeli.

1 Samweli 14:2

Baba weve yaali nalombi hokososa hehe isi wumusala gulangangwa mukomamanga, mu lidaala lia Migironi ahimbi na Gibea. Yaali na vasaza 600 harara naye.