1 Avami 20:22 - KITABU KITAKATIFU

²² Maku muporofeti yazia ku Mwami Ahabu namuvolera, “Yirana na udinyirizi amahi googo, na ugalohizi vulahi kigira mwami wa Siria alakwingilira kulwaana niivi kandi mumadiku gi imbura muhiga guzaa.”

1 Avami 20:22 ပူးပေါင်းရင်းမြစ်များ

2 Samweli 11:1

Mu ing'inga yi vitagwa vimera, lwa avami vanene vazizaa mu liihi kazozo, Daudi yatuma Joabu na avanene veve kandi ni liihi lia vandu va Isiraeli kuzia mu vulwani. Vaguuta vandu va Amoni kandi nivakumbiriza lidaala linene lia Raba. Navuzwa Daudi mwene yaatigara mu Jerusalemi.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Avami 20:13

Ing'inga yeyo, muporofeti yazia ku mwami Ahabu navoora, “Yahova avoora, ‘Utatia liihi linene lila mba! Inzi ndakuha vuguuti kulio kalunu ndi, kandi ulamanya ndi inzi mbeeye Yahova.’ ”

1 Avami 20:21

Mwami Ahabu wa Isiraeli yazia mu kiguti chi liihi, yavugula zibarasi na magare gu vulwani kandi yalegelera vandu va Siria ni liguuta linene ligali.

1 Avami 20:26

Ing'inga ya madiku gimbula yu muhiga gwalonda ku, yalanga avasaza viliihi veve kandi nazia navo kuduuka ku lidaala linene lia Afeki kuzia kwingilira vandu va Isiraeli.

1 Avami 20:38

Kunangwa muporofeti yatura nazia kulindilira mwami hainzira, niyevohi kilavi chinguvu mu vweni vwivwe. Yigirung'anyia mwene nazia nasingira kunzira kulindilira. Mwami wa Isiraeli aviti.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

2 Avami 6:12

Mulala kuvo yativura navoora, “Siali ho nu mulala mba, Mwami wange! Muporofeti Elisha avolera mwami wa Isiraeli choosi cha ovola kali mumbisu mwe keng'oze chicho.”

1 Kyetsinyinga 20:1

Mu ing'inga yi vitagwa viu muhiga vimera, ing'inga ya avami vaturaa kuzia kulwaana, Joabu yimilira liihe ichova, kandi niyingilira kivala cha vandu va Amoni; navuzwa mwami Daudi yaatigara inyima mu Jerusalemi. Vakumbiriza lidaala linene lia Raba, nivalidiviza ligali.

2 Kyetsinyinga 25:11

Mwami Amazia yanyoora zinguru ma ni yimilira avasaza vi liihi lilie kuzia mu Livona lie jumbi, valwaana ma niviita avasikari va Edomu 10,000,

2 Kyetsinyinga 25:8

Hawundi uganagana ndi avasaza yava valakokola ove ni zinguru mu vulwani, navuzwa ni Nyasaye yeng'ine oveeye ni zinguru kokokola uguuti mu vulwani, kandi anyala kuha avasigu vovo zinguru vakulwaane nu kukuguuta.”

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Tsing'ano 20:18

Onyoore amigizu malahi nulanyoola cha wenyaa; utazia mu vulwani nukikiri kwelohiza mba.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 8:9

Munyi avizihiiri ziosi, mwivungikize harara, muvuti! Muhuliri, munyi avaveeye muvivala ihale. Mwetegeke kulwana, navuzwa muve avati! Yee, mwetegeke, navuzwa muve avati!

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.