1 Avami 2:7 - KITABU KITAKATIFU

⁷ “Navuzwa umanyie mwoyo gwi zimbavasi (uvulahi) ku vayaayi va Barizilai kutura Gileadi, na uvalindi ligali, kigira vaangolera vulahi lwa ndaali ninzirukaa kutura ku amwavo woovo Abisolomu.

1 Avami 2:7 ပူးပေါင်းရင်းမြစ်များ

Litanga 40:14

Navuzwa yaanza unzizulizi lwa navove vulahi ku ivi; kandi ngogonya uyaanze ongonye mwami ayaanze yamboholore kutura munyumba ya vahambe.

2 Samweli 19:28

Avandu vinyumba ya guuga wange vosi vaduukana ukwitwa, navuzwa ivi wamba uvunyali ukulia komesa yooyo. Simbeeye nuvulungi koteeva ngolerwe uvugasu vundi kutura ku Mwami wuluyali wange mba.”

2 Samweli 9:10

Ivi, harara na avayaayi vovo, mulayinzilira Mefiboshezi, mulalima mulimi gwigwe, na mumuleetere via mugesa, kunangwa vandu vinyumba ya Saolo harara na vatumikiri veve vaduuki konyoora viukulia. Navuzwa Mefiboshezi alalia harara ninzi komesa yange kazozo.” Ziba yaali na vayaayi komi natano kandi na avatumikiri sirini.

2 Samweli 9:7

Daudi yamuvolera, “Utatia mba. Ndakoveera zimbavasi kigira baba woovo Jonazani. Ndakwiranyira mulimi gwosi gwaali gwa guuga woovo Saolo, na ivi ulingirizwa kulia chukulia komesa yange kazozo.”

2 Avami 25:29

Kunangwa Jehoyakini yahevwa munwa kugirung'ana kutura mu zinguvu zizie ziu vuhambe kandi kuzia kulia harara nu mwami kazozo mu livamwoyo lilie liatigala liosi.

2 Avami 25:30

Vuli lidiku ku lohono lwa yaali mwoyo, yahevwaa amabese gu vutumiki vwa kazozo vwi lienya lilie.

Ezara 2:61

Yivi ni visukululwi via vasaalisi avavura konyooleka mu ling'odwa liu vusaalisi: Visukululwi via Habaya, Hakozi kandi Barazilai. Barizilai yaali naleti mukali kutura ku vaguuga veve va Gileadi kandi yagulikwa lieta lia vaguuga veve.

Tsing'ano 27:10

Utivilira valina vovo anoho valina vababa woovo mba. Niiva oveeye nu vudinyu utateeva vokonyi kutura ku amwavo woovo mba; mutende wa himbi anyala kokokonya kuvita amwavo woovo oveeye ihale.

Jeremia 52:33

Kunangwa Jehoyakini yaavugilirwa kugirung'ana kutura mu zinguvu zizie ziu vuhambe kandi kuzia kulia harara nu mwami kazozo mu livamwoyo lilie liatigala liosi.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.