1 Avami 2:5 - KITABU KITAKATIFU

⁵ “Kindu kindi keveeye ho, wizulizi kumanya icha Joabu yakola ku inzi ku liita lia avanene vaviri va mahi ga Isiraeli, Abineri muyaayi wa Neri na Amasa muyaayi wa Jezeri. Wizulizi kuli yaviita mu ing'inga yi mirembe mu livaanza kisaalia kigira valeta likuza mu ing'inga yuvulwaani. Yita avandu, vatali nimbala, na inzi kalunu ndulwa ligali ku ga yakola.

1 Avami 2:5 ပူးပေါင်းရင်းမြစ်များ

2 Samweli 17:25

Abisolomu yaali naviiki Amasa kuva munene wi liihi mu vogono vwa Joabu. Amasa yaali muyaayi wa Izira, Umueshimaeli; mama weve yaali Abigaeli mukaana wa Nahashi, mbozo Zeruya, mama wa Joabu.

2 Samweli 18:12

Navuzwa musaza oyo yativura, “Kali niiva ulamba vidonye viefeza elefu ndala, sindaali nyiiri mukono gwange nukwita muyaayi wu mwami mba. Kunyi kwosi kuhuliyi lilago liu mwami ku ivi, Abishai na Itai ndi, ‘Kigira inzi, utasaliriza musoleri Abisolomu mba.’

2 Samweli 18:14

Joabu yavoola, “Sinzizaa kogotiza ing'inga yindi inyingi ku ivi mba.” Yavugula amatimu gavaga kandi nagatoza mu kiritu cha Abisolomu nakikiri mwoyo niyeereye mu musaala.

2 Samweli 18:5

Mwami Daudi yahaana malago ku Joabu na Abishai, na Itai: “Kigira inzi mutasaliriza musoleri Abisolomu mba.” Amahi goosi gaahulira mwami Daudi nahaana lilago yili ku vimiliri veve.

2 Samweli 2:13

Joabu, uwa mama weve yaali Zeruya, kandi avanene va Daudi vandi vavaganira ha lidavalia lia Gibeoni, aha vosi viikara hasi, muganda mulala ku lovega lulala lwa lidavalia, na umuganda gundi ku lovega lundi.

2 Samweli 2:18

Avayaayi vavaga va Zeruya vaali ho: Joabu, Abishai kandi Asaheli. Asaheli uwaali anyala kunyagula kuli embongo yu mbulimu,

2 Samweli 20:10

Amasa siyaali niyiikingi ku kivavi cha Joabu yaali nagumiyi mu mukono gwigwe gundi mba, maku Joabu yamutumita munda, na amala geege goosi gaasunduka hasi. Nonoho yakuza, kandi Joabu siyaaduya kandi mba. Ahene yaho Joabu harara na Amwavo weve Abishai valondelera Sheba.

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

2 Samweli 3:39

Kali niiva inzi mbeeye mwami waatovolwa na Nyasaye, mbeeye mudedekere lero. Avayaayi va Zeruya yava vaveeye avandu vu kutumikira zinguru ligali kuvita inzi. Nyasaye ahaane amageri kuvo kuli gavadukiraa.”

1 Avami 1:7

Vavugirizana na Joabu wa mama weve yaali Zeruya kandi na Abiazari musaalisi navo vavugilira kumwunga mukono mu lienya lilie kuva mwami.

1 Avami 2:32

Yahova alaha Joabu amageri ku liita lia yakola vugira limanya lia baba wange Daudi. Joabu yita avasaza vaviri avaari avalahi ligali, Abineri, munene wi liihi lia Isiraeli kandi Amasa, munene wi liihe lie Ivuyuda.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Matayo 3:4

Yohana yiviika inguvu yanavwa ku uvwoya vwi ing'amia, nayeevoha musibi gwe kesero mu kekenge chiche. Viukulia vivie viali zisigi nu uvwuki vwu mu mulitu.

Kwidzulitsa 27:24

“ ‘Alaamwe oyo witaa mutende weve mu vwivisu.’ “Avandu vosi valavoora, ‘Amini!’