1 Avami 2:4 - KITABU KITAKATIFU

⁴ Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 2:4 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

2 Samweli 7:25

“Na kalunu, Yahova Nyasaye, dukiza ku zing'inga ziosi, lilagana lia walomba ku inzi kandi visukululwi viange, na okole ga wavoola ulakola.

1 Avami 1:48

Maku mwami Daudi niyinama hasi ku kidali chiche nasaara, navoora ‘Gendi kwizominyi Yahova, Nyasaye wa Isiraeli, umali kokora mulala kuvo kulwivulu lwange kuvugura ovogono vwange kuli mwami; kandi okoli inzi mbe mwoyo kolola inguuva yiyi!’ ”

1 Avami 11:36

navuzwa ndaleka muyaayi wa Solomoni, na alindi. Ihiiri ndala, kunangwa ndava kazozo ni kisukururwi chu mutumikiri wange Daudi niyamiha mu Jerusalemi, lidaala lia inzi mali kotovola kuli havundu ha sigamirwa.

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

1 Avami 6:12

“Niiva ulatia malago gange goosi, ndakokolera cha ndasuuviriza baba woovo Daudi.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Avami 8:25

Kalunu, Yahova Nyasaye wa Isiraeli, saalanga ndi ivi kandi uladukiza lisuuviriza lindi lia walomba ku baba wange Daudi, lwa wamuvoolera ndi halava ho na mulala ku visukululwi vivie niyamiha kuli mwami wa Isiraeli; niiva vilahulira ivi vulahi ligali kuli yakola.

1 Avami 9:5

ndadukiza lisuuvirizwa lia ndalomba ku Baba woovo Daudi lwa ndamuvolera ndi Isiraeli valamiifwa kazozo ni kisukururwi chiche.

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Avami 23:25

Sihaaliho nu mwami wundi kuli Josia ku maziambiri, watumikira Yahova nu mwoyo gwigwe gwosi, ni zing'anagani zizie ziosi, kandi ni zinguru zizie ziosi, kandi kuhulira Lilaga liosi lia Musa; sihaava ho nu mwami kuli uyu maziambiri mba.

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 17:3

Yahova yagasiza Jehoshafati, kigira yalonda liiva liu kutanga lia baba weve kandi si yasigamira Baali mba.

2 Kyetsinyinga 6:16

Kalunu O, Yahova, Nyasaye wa Isiraeli, udukiza malagano gandi ga walomba ku Daudi baba wange aga wa musuuviriza ndi, halavaho na mulala ku visukululwi veve uliamiiha kuli mwami munene wa Isiraeli, niiva valahulira ivi nokogenda mu malago gange kuli ivi wagenda imbiri wange.”

2 Kyetsinyinga 7:18

Inzi ndadukiza lisuuviriza lia ndalomba ku baba woovo Daudi lwa ndamuvolera ndi Isiraeli valamiifwa kazozo ni visukululwi vivie.

Zaburi 119:9

Muyaayi anyala kulinda ndi limenya lilie live lirungi? Anyala kulinda mulihulira malago googo.

Zaburi 37:22

Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Zaburi 37:9

Yavo avasuuviraa mu Yahova, valanyora miandu ji lirova, navuzwa yavo avaveeye avadamanu, valatulizwa mu kivala yicho.

Zaburi 39:1

Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Jeremia 33:17

Inzi, Yahova, mali kulaga ndi, kisukururwi cha Daudi kilava mwami wa avandu va Isiraeli mihiga ni mihiga,

Kyavalevi 26:3

“Niiva mulamenya kolondekana na malago gange kandi muhuliri gamulagaa,

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Matayo 22:37

Yeso yamutivulira, “Uyaanze Mwami Nyasaye woovo nu mwoyo gugwo gwosi, ni livamwoyo liilio liosi, no vogeri vuvwo vwosi.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Kwidzulitsa 7:12

“Nimuhuliriza malago yaga goosi nukugalonda nu vusuuvirifu, kandi kugakola, ahene yaho Yahova Nyasaye winyu aladuukiza lilagana lilie nimunyi kandi alamanyia vuyanzi vwivwe vutaveeye nekeheri kuli yasuuviriza avaguuga vinyu.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,