1 Avami 19:19 - KITABU KITAKATIFU

¹⁹ Kunangwa Elija yazia nanyoora Elisha muyaayi wa Shafati naalima ni miganda je zing'ombeli likomi na jiviri miganda likomi namulala jiali imbiri weve, naye yalima nu muganda gwu kumaliriza. Elija yaatuliza inguvu yeeye yukwiyuhira naagisigisa ku Elisha.

1 Avami 19:19 ပူးပေါင်းရင်းမြစ်များ

1 Avami 19:13

Lwa Elija yahulira mwoyo yigwo, yafuma mumoni mwimwe ninguvu yeeye yukwiyuhira; nazia ichova kandi nasingira ha vwingiliru vwuluhangaywa. Mwoyo gwamuvoolera, “Elija, okolaa ki hano?”

1 Avami 19:16

uvake Jehu muyaayi wa Nimushi maguta ave mwami wa Isiraeli, kandi uvake Elisha muyaayi wa Shafati kutura mu lidaala lia Abeli-mehola maguta avuguli vogono vuvwo kuli muporofeti.

2 Avami 2:8

Maku Elija yaatuliza inguvu yu vusaalisi yeye nagilinga harara kandi nagikuya ku mazi, amazi gavukana na Elija na Elisha vaambuka kuzia ku luginga Lundi ku marova amuumu.

Kutwula 3:1

Lidiku lilala Musa yaali ni yaya amagondi ni zimburi zia navizara weve Jezero, musaalisi wa Midiani yimilira chayo zana kuvitira imadioli wi ichangalangwi, kandi naduuka ku kiguru cha Sinai, ekeveeye kiguru kitakatifu cha Nya Nyasaye.

Amosi 7:14

Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Amosi 7:15

Navuzwa Yahova yambugura kutura ku miyinzi jange kuli umwayi wi mitugu kandi yambolera, nzie koporofeta ku avandu veve Isiraeli.

Zekaria 13:5

Navuzwa alavoora, ‘Inzi si mbeeye muporofeti mba. Mbeeye vuzwa mulimi. Ndaamenya mu mulimi kutura mu vosooleri vwange.’

Vahebraina 11:37

valaswa na magina, vakalwa hagati numusumeno, viitwa nikivaavi. Vavodong'ana ni viviiki zinguvu ziamagondi nizie zimburi. Vaali vadaka kandi nivadambizwa, kandi vakolerwa vudamanu ligali.

Vakalagi 6:11

Maku engelosi wa Yahova yaza mu lidaala lia Ofura niyikara mumusaala gwa Joashi, umundu wihiiri ya Abiezeri. Umwana weve Gidioni yaali nahuuraa ingano havundu ahivisu hukukamululira iwaini kigira siyenya vandu va Midiani vamanye ahuuraa ingano mba.

1 Samweli 11:5

Saolo yaali niyazaa kutura mu mulimi ni zing'ombe ziukulima. Yateeva, “Ni ki chekoleki? Kigira ki mundu woosi aliraa?” Vamuvolera makuva ga vatumwa kutura Yabeshi vaali nivavooye.

1 Samweli 28:14

Saolo yateeva, “Kifaanaa ndi?” Mukali oyo yativura, “Aveeye musakulu nakutulaa hasi mu lirova; yiviiki inguvu yafanana ni iganza yukumufuuma.” Ahene yaho Saolo yamanya ndi ni Samweli; na yinama hasi kuhaana luyali.