1 Avami 18:39 - KITABU KITAKATIFU

³⁹ Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

1 Avami 18:39 ပူးပေါင်းရင်းမြစ်များ

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

1 Avami 18:24

Maku muleke vaporofeti va Baali vasaale ku nyasaye wavo, na inzi ndasaara ku Yahova, kandi oyo oleeta mativuli go koleta muliru, oyo niyie Nyasaye.” Avandu vahanzuka nu mwoyo munene mu livugilira makuva yago.

1 Avami 20:13

Ing'inga yeyo, muporofeti yazia ku mwami Ahabu navoora, “Yahova avoora, ‘Utatia liihi linene lila mba! Inzi ndakuha vuguuti kulio kalunu ndi, kandi ulamanya ndi inzi mbeeye Yahova.’ ”

1 Avami 8:60

kunangwa vandu vosi vilirova vaduuki kumanya ndi ivi Yahova wengine ovveye Nyasaye; kandi sihali nuwundi mba.

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

2 Kyetsinyinga 33:13

Nyasaye yaavugilira lisaala lia Manase, ma ku namuleka yirani Jerusalemi nukwaamiiha kandi. Yaga gamanyia Manase ndi Yahova aveeye Nyasaye.

2 Kyetsinyinga 7:3

Lwa avandu va Isiraeli valora muliru nigwika kutura mu ligulu, novong'ereng'anu vwu vukumi vwa Yahova nivwizula Litembeli du, vaagwa mamumama ku maru mu loze lwa magina kandi nivinama nivasigamira Nyasaye kandi nivamwizominya kigira uvugasu vwivwe kandi uvuyanzi vwivwe vwi mihiga ni mihiga. Vaasaalandi “Yahova aveeye mulahi; uvuyanzi vwivwe vuhindira mihiga ni mihiga.”

Ezara 1:3

Kusaala Nyasaye ayaanze ave harara nimunyi vosi avaveeye avandu veve. Gamuduukira muzie Jerusalemi na mwumbake uvuhia Litembeli lia Yahova, Nyasaye wa Isiraeli, ni Nyasaye usigamirawa mu Jerusalemi.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 118:27

Yahova aveeye Nyasaye, ahaanaa vulavu ku kunyi, mutange lisavo ku ligenda kovodong'ana uvwali; mugiingi amatu ga makindu mu makono ginyu.

Zaburi 50:7

“O, avandu vange, hulirizi, na ndamoloma, O, Isiraeli nokolorekiza uvudamanu ku munye; inzi mbeeye Nyasaye Yahova winyu.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vikolwa 4:16

Vateevana, “Kokora ki ku avandu yava? Avandu vosi avamenyi mu Jerusalemi vamanyi ndi kelolekizu kenene yiki kekoleki, kandi kunyi si kunyala kwambakana mba.

Vakalagi 13:20

Lwolomemo lwali nilwaakaa nilunzia mwigulu, engelosi wa Yahova yaazira mu lomemo lwu vwali zana; Lwa Manoa nu mukali weve vagelora vaagwa hasi mamumama.