1 Avami 18:37 - KITABU KITAKATIFU

³⁷ Ndivulira O, Yahova, ndivulira kunangwa vandu yava vaduuki kumanya ndi ivi Yahova, oveeye Nyasaye, kandi wiranyie mioyo ja vandu yava vaze ku Ivi.”

1 Avami 18:37 ပူးပေါင်းရင်းမြစ်များ

Litanga 32:24

navuzwa Yakobo yaatigara inyima yeng'ine. Maku umundu yaza nalwaana naye kuduuka mugambazuri.

Litanga 32:26

Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

2 Samweli 7:26

Ulusuma lwi limanyikana liilio lulava lonene, kandi avandu valavoora mihiga ni mihiga; ‘Yahova Wuvunyali, aveeye Nyasaye ku Isiraeli.’ Ivi ulalinda endeve yu vwami vwange mihiga ni mihiga.

1 Avami 18:24

Maku muleke vaporofeti va Baali vasaale ku nyasaye wavo, na inzi ndasaara ku Yahova, kandi oyo oleeta mativuli go koleta muliru, oyo niyie Nyasaye.” Avandu vahanzuka nu mwoyo munene mu livugilira makuva yago.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

1 Avami 20:28

Muporofeti yazia ku mwami Ahabu navoora: “Yiki nicho cha Yahova avoora; ‘Kigira Vandu va Siria vavoola ndi inzi ni Nyasaye wivigulu navuzwa simbeeye Nyasaye wivileremo, ndakuha vuguuti ku liihi liavo linene, ivi na vandu vovo mulamanya ndi inzi mbeeye Yahova.’ ”

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

Zaburi 109:27

Okole avasigu vange vamanye ndi, ivi niyie ombonyia kazozo.

Luka 11:8

Agiligali muvooleraa, kali niiva sialavuka amuhe kindu kigira aveeye mulina weve, navuzwa, kigira ligoonya lilie liataveeye nalio esoni, alavuuka amuhe choosi icha adaki.”

1 Samweli 17:46

Lidiku lia lero yili Yahova alaviika ivi hasi hi zinguru ziange. Ndakuguuta kandi ndatema mutwi guugwo gutuli. Ndahaana miviri ja vasikari Vafilisitia ku manyonyi kandi zinyama zilie. Ahene yaho avandu vosi mu lirova valamanya ndi Isiraeli vaveeye na Nyasaye.