1 Avami 18:36 - KITABU KITAKATIFU

³⁶ Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

1 Avami 18:36 ပူးပေါင်းရင်းမြစ်များ

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

Litanga 32:9

Maku Yakobo yasaala, “Nyasaye wa guuga wange Aburahamu, Nyasaye wa Isaka, hulira lisaala liange! Ivi wambolera, O, Yahova, nzirane mukivala change kandi ku viko vange, na ulangolera vulahi.

Litanga 46:3

Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

2 Samweli 7:26

Ulusuma lwi limanyikana liilio lulava lonene, kandi avandu valavoora mihiga ni mihiga; ‘Yahova Wuvunyali, aveeye Nyasaye ku Isiraeli.’ Ivi ulalinda endeve yu vwami vwange mihiga ni mihiga.

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:35

Amazi giturukaa ni gakumberiza zimbega ziosi ziu vwali kandi nigizula mu mitaro.

1 Avami 18:37

Ndivulira O, Yahova, ndivulira kunangwa vandu yava vaduuki kumanya ndi ivi Yahova, oveeye Nyasaye, kandi wiranyie mioyo ja vandu yava vaze ku Ivi.”

1 Avami 20:13

Ing'inga yeyo, muporofeti yazia ku mwami Ahabu navoora, “Yahova avoora, ‘Utatia liihi linene lila mba! Inzi ndakuha vuguuti kulio kalunu ndi, kandi ulamanya ndi inzi mbeeye Yahova.’ ”

1 Avami 20:28

Muporofeti yazia ku mwami Ahabu navoora: “Yiki nicho cha Yahova avoora; ‘Kigira Vandu va Siria vavoola ndi inzi ni Nyasaye wivigulu navuzwa simbeeye Nyasaye wivileremo, ndakuha vuguuti ku liihi liavo linene, ivi na vandu vovo mulamanya ndi inzi mbeeye Yahova.’ ”

1 Avami 22:28

Mikaya yativura, “Niiva ulirana nimirembe, Yahova siamolomi kuvitira mu inzi mba!” Kandi yameda kovora, “Muhulirizi, mundu sa mulala, ku ga mali kovora!”

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

2 Avami 1:10

Elija yativulira munene oyo navoora, “Niiva inzi mbeeye mundu wa Nyasaye, leka muliru gwiki kutura mwigulu na gukwiiti harara na vasaza vovo va oveeye navo!” Nonoho muliru gwika nigwiita munene oyo na vasaza veve.

2 Avami 1:3

Navuzwa engelosi wa Yahova yavolera Elija muporofeti kutura Tishibe, azie kwaganira avatumwa kutura ku mwami Ahazia na avateeve, “Kigira ki muzizaa koteeva Baalizebubu, munyasaye wa Ekironi amakuva? Gaveeye kigira muganaganaa ndi sihali na Nyasaye mu kivala cha Isiraeli?

2 Avami 1:6

Vaativura, “Kwaganiywi nu mundu mulala umanyi nakovoolera kwirane na kokovoolere ndi Yahova akovoleraa ivi ndi, ‘Kigira ki utumaa avatumwa koteeva Baalizebubu, munyasaye wa Ekironi, amakuva? Gakaveeye kigira uganaganaa ndi Sihali na Nyasaye mu kivala cha Isiraeli? Siulahona kutura mu lilwaala liilio mba; ligali ulakuza!’ ”

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Avami 20:11

Isaya yasaala ku Yahova, na Yahova yalomba ichiriri chi ingasi yalombwa nu mwami Ahazi, ni chirana inyima ivika likomi.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

2 Avami 5:8

Lwu muporofeti Elisha yahulira ichaali ni chekoleki, yatuma likuva ku mwami navoora “Kigira ki ivi nutandula zinguvu zizio? Tuma musaza oyo ku inzi ku aduuki kumanya ndi haveeye nu muporofeti mu Isiraeli!”

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Kutwula 4:5

Yahova yavoola, “Okole yaga kumanyia Isiraeli ndi Inzi Yahova, Nyasaye wa vaguuga vaavo, Nyasaye wa Aburahamu, wa Isaka, na Yakobo, umali kololeka ku ivi.”

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Ezekieli 36:23

Lwa manyia zihiiri uvutakatifu vwi lieta liange linene, ilieta liamwononyia hagati hi zihiiri, maku zilakamanye ndi, Inzi mbeeye Yahova. Inzi Yahova Wuvunyali mali kovora. Ndatumikira munyi avandu va Isiraeli kumanyia zihiiri ndi Inzi mbeeye Mutakatifu.

Ezekieli 39:7

Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Yohana 11:42

Manyi ligali ivi umbuliriza kazozo. Navuzwa mboraa yaga kigira avandu vasingiyi hano yava vaduuki kusuuvira ivi niyie wanduma.”

Vikolwa 10:30

Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange,

Vikolwa 3:1

Lidiku lilala, zisa tisa zia mbasu, Petero na Yohana vazia mu Litembeli, kusaala.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vafeso 3:14

Kigira yaga, sigamaa mu lisaala imbiri wa Baba,