1 Avami 18:29 - KITABU KITAKATIFU

²⁹ Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:29 ပူးပေါင်းရင်းမြစ်များ

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

1 Avami 22:10

Avami vaviri yavo, niviviiki zinguvu ziavo ziu vwami, vaali nivikaye ku zindeve ziavo ziu vwami ha loze ichova wi kirivwa cha Samaria, na vaporofeti vosi vaali nivaporofetaa imbiri wavo.

1 Avami 22:12

Avaporofeti vandi vosi vavoola kindu kilala chere. “Zia ulwaane Ramozi na ivi ulaguuta. Yahova alakuha liguuta.”

Zaburi 115:4

Avanyasaye vaavo valombwa ku ifeza ni zahabu, valombwa na makono gavandu.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Kutwula 29:39

Uhaane ekememe kilala zing'inga zia mugamba, ni ikindi ukihaane hamugorova.

Kutwula 29:41

Uhaane ekememe chakaviri hamugorova harara ni kihanwa kilala chere chu vusie, amaguta ga muzeituni ni iwaini kuli ikibimu cha hamugamba. Yiki ni kihanwa chi chukulia ku inzi Yahova, kigira umwayu gwacho nu mulahi ligali ku inzi.

Kutwula 8:14

Avandu va Egebeti vagavungiza mu vitumi vinene, kuduuka kivala choosi nikifwunya uvugundu.

Isaya 16:12

Avandu va Moabu valuhiziywi ligali nivazizaa ku vigulu viavo viukusigamira vanyasaye kandi mu matemberi gaavo kusaala, navuzwa sivilavakonya kali hakuzu mba.

Isaya 46:7

Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Vagalatia 4:8

Maziambiri, munyi si mwamanya Nyasaye mba, kandi ndio mwaali avatugwa vi vilombe vitaveeye avanyasaye va giligali.

1 Samweli 10:5

Ahene yaho ulazia ku kiguru cha Nyasaye mu Gibea, wa vandu va Filisitia vasoosa. Ha vwingiliru vwi lidaala, ulavugaana nu muganda gwa vaporofeti nivasulunguta kutura ku vwali ku kiguru, nivakubaa uvukana, zindumba, amarere na madungu. Valava nivavinaa kandi nivaporofetaa.

1 Samweli 18:10

Lidiku lialonda ku, roho mudamanu kutura ku Nyasaye gwamiiha Saolo nonoho, kandi yeetovoza munyumba kuli mulalu. Daudi yaali nakubaa uvukana kuli yakolaa vuli lidiku, na Saolo yaali nagumiyi litimu.