1 Avami 18:24 - KITABU KITAKATIFU

²⁴ Maku muleke vaporofeti va Baali vasaale ku nyasaye wavo, na inzi ndasaara ku Yahova, kandi oyo oleeta mativuli go koleta muliru, oyo niyie Nyasaye.” Avandu vahanzuka nu mwoyo munene mu livugilira makuva yago.

1 Avami 18:24 ပူးပေါင်းရင်းမြစ်များ

Litanga 4:26

Sezu yivula mwana muyaayi na yamugulika lieta lilie Enosi. Kutura ing'inga yene yeyo, avandu vatanga lisigamira lieta litakatifu lia Yahova.

2 Samweli 14:19

Mwami yamuteeva, “Joabu aveeye mu makuva yaga goosi?” Mukali zana oyo yativura, “Kuli ivi mwene oveeye mwoyo, O, munene wange umwami, siaveeyeho numulala ugirung'anaa ninzira yu kweloha kuhaana mativuli ku mateeva googo mba Mwami Wange Wuluyali. Yee, yaali mutumikiri woovo Joabu wambolera chokokola kandi gambolaa gwu mutumikiri woovo.

1 Avami 18:23

Leeti zigiriki ziviri; Leti avaporofeti va Baali vavuguli indala, vajiti, vadonyanyie mu vidonye ma vagiviiki ku zingu, na mutafani muliru mba. Inzi ndakora malala mere nigiriki yindi.

1 Avami 18:25

Maku Elija yavolera vaporofeti va Baali, “Kigira munyi muveeye vanyingi ligali, munyi muvuguli igiriki na mugelombe kutanga. Musaale ku nyasaye winyu, navuzwa mutafani muliru mba.”

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

1 Avami 18:39

Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

1 Avami 2:38

Shimei yativura, “Vulahi ligali Mwami Wuluyali wange. Ndakora cha ovola.” Kunangwa yamenya mu Jerusalemi ku ing'inga indambi.

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

2 Kyetsinyinga 7:1

Lwa mwami Solomoni yaali niyakamara lisaala lilie, umuliru gwiika kutura mwigulu nigusamba vihaanwa viukusambwa beyi kandi visiuviliru viali nivihaaniywi viosi; na ovong'ereng'anu vwu vukumi vwa Yahova vwizula Litembeli.

2 Kyetsinyinga 7:3

Lwa avandu va Isiraeli valora muliru nigwika kutura mu ligulu, novong'ereng'anu vwu vukumi vwa Yahova nivwizula Litembeli du, vaagwa mamumama ku maru mu loze lwa magina kandi nivinama nivasigamira Nyasaye kandi nivamwizominya kigira uvugasu vwivwe kandi uvuyanzi vwivwe vwi mihiga ni mihiga. Vaasaalandi “Yahova aveeye mulahi; uvuyanzi vwivwe vuhindira mihiga ni mihiga.”

Isaya 39:8

Mwami Hezekia yavolera Muporofeti Isaya ndi, “Likuva lia Yahova amali kovora liveeye lilahi!” Kunangwa, mwami Hezekia yamanya ndi, mirembe kandi likingwa vilavaho ing'inga ya akikiri mwoyo.

Jeremia 27:18

Niiva vaveeye avaporofeti va agiligali, kandi niiva vaveeye na amakuva gange, vateeve inzi Yahova Wuvunyali, mburi kuvugilira mavikiru gatigala mu Litembeli lia Jerusalemi kandi munyumba yu vwami yi Ivuyuda kandi vilanywe mu Babiloni.”

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Vakalagi 6:21

Maku engelosi wa Yahova yavugula imbimbu nadiira esonga yayo kuviukulia zana; ulwene yilwo umuliru gwaaduka kutura mulwanda, nigusamba ivukulia zana viosi. Maku engelosi wa Yahova yamuleka vugira kumanya.