1 Avami 16:2 - KITABU KITAKATIFU

² “Ivi siwaali mundu wamanyikana mba, navuzwa ndakokola mwimiliri wa vandu vange Isiraeli. Na kalunu umali kokora vwoni kuli Jeroboamu kandi umali kwimilira vandu vange kuduuka mu vwoni. Vwoni vwavo vumali kuvukiza vutima vwange,

1 Avami 16:2 ပူးပေါင်းရင်းမြစ်များ

1 Avami 14:16

Yahova alaleka Isiraeli kigira Jeroboamu yakola vundamanu naahira vandu va Isiraeli mu vwoni.”

1 Avami 14:7

Zia ovoolere Jeroboamu ndi yaga nigo ga Yahova, Nyasaye wa Isiraeli amuvoleraa: ‘Ndaakotovola kutura hagati ha vandu ma ningokola mwamihi wa vandu vange Isiraeli.

1 Avami 15:26

Nadabu yakola Vwoni, ku Yahova kandi yakola vandu va Isiraeli kugwa mu vwoni. Kuli baba weve yakola

1 Avami 15:34

Mwami Jeroboamu yakola vwoni ku Yahova, yakola vwoni ku Yahova kandi naakora Isiraeli kokora vwoni.

Kutwula 32:21

Yavolera Haruni, “Avandu yava vakoli kinduki yiki? Ivi ndi uvakoli vingili mu vwoni vonene vwukutihiza kuli ndi?”

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Luka 1:52

Waguluyi avami vizingulu kutura ku zindeve ziavo ziu vwami; navuzwa onenehizi avakeekeke.

1 Samweli 2:24

Mulekere ligali avana vange! Yiki ni kindu chukuvihiliriza ligali cha vandu va Yahova vamoloma.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.

1 Samweli 26:19

Mwami munene wange, huliriza ku cha nyenya mbore? Niiva ni Yahova okoli ivi unzikiruki, ikihaanwa kuye kilamukola agirung'anyie zing'anagani zizie; navuzwa niiva na vandu vakoli yaga, kilaamo cha Yahova kivagwiri. Kigira vamali kungunga kutura mu kivala cha Yahova kuzia mu kivala uwa inzi nyara vuzwa kusigamira vanyasaye vageni