1 Avami 15:5 - KITABU KITAKATIFU

⁵ Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

1 Avami 15:5 ပူးပေါင်းရင်းမြစ်များ

1 Avami 14:8

Ndaatuliza vwami kutura ku visukululwi via Daudi, na nimbuhaana ku ivi. Navuzwa ivi si waali kuli mutumikiri wange Daudi mba, waali musuuvirifu ku inzi ligali, naahulira malago gange, kandi naakora agandavugilira geng'ine.

1 Avami 15:3

Yakola vwoni vulala vwere kuli baba weve, kandi siyaali ligali musuuvirifu ku Yahova Nyasaye weve, kuli guuga weve Daudi yaali mba.

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

1 Avami 9:4

Niiva ulandumikira nu vusuuvirifu vwosi, nagiligali gu mwoyo kandi nuvulungi kuli Baba woovo Daudi yakola, kandi niiva ulahulira malago gange goosi, nokokola vindu viosi via ngulaga,

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

2 Kyetsinyinga 34:2

Yakola agaali amalungi imbiri wa Yahova, kandi yalonda liiva liaguuga weve Daudi, naatia malago ga Yahova ligali.

Zaburi 119:102

Ngikiri koleka amigizu googo, kigira ivi umwene oveeye mwigizi wange.

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Vikolwa 13:22

Lwa Nyasaye yamala kutuliza Saolo, yatovola Daudi ave mwami wavo. Yalolekiza livugilirwa lilie navoora: ‘Ndoli Daudi mwana wa Jese; nu mundu wu lugano lwu mwoyo gwange muyanzaa; mundu ulikola goosi agu vulaliri vwange.’

Vikolwa 13:36

Daudi yaduukiza vulaliri vwa Nyasaye mu madiku geege; ma yakuza, na ateevwa ahimbi na avaguwga veve, nu muviri gwigwe gwagunda.

Kwidzulitsa 17:20

Yaga galamukola avuli kuganangana ndi aveeye mulahi ligali kuvita vandu vandi va Isiraeli mba, kandi kutura ku livula kuhulira malago ga yahova munzira yoosi. Maku alamiiha ku mihiga minyingi, kandi visukululwi vivie vilamiiha Isiraeli mihiga ni mihiga.

1 Samweli 25:28

Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.