1 Avami 15:4 - KITABU KITAKATIFU

⁴ Navuzwa kigira Daudi, Yahova Nyasaye weve yaaha Abija muyaayi kwamiiha inyima weve mu Jerusalemi kwumbaka kandi kolomba Jerusalemi kuva lidaala liezingulu.

1 Avami 15:4 ပူးပေါင်းရင်းမြစ်များ

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

Litanga 26:5

Ndakagasizi ivi, kigira Aburahamu yatia kandi yalonda malago gange.”

2 Samweli 21:17

Navuzwa Abishai muyaayi wa Zeruya yaza kokoonya Daudi, niyingilira ugundu yigwo, kandi naagwita. Ahene yaho avasaza vi liihi va Daudi vaamwisuhira, nivavoora, “Siulazia kandi mu vulwani harara ni kunyi mba,” gase itaya ya Isiraeli ilasima.

1 Avami 11:12

Kali ndio, kigira Daudi baba woovo, sindakola ndio mu ing'inga yi livamwoyo liilio mba. Ndavusalanyia kutura ku mukono gwu muyaayi woovo.

1 Avami 11:32

Solomoni alatigala ni hiiri ndala kigira mutumikiri wange Daudi kandi kigira jerusalemi, lidaala lia mali kotovola kuva liange kutura mu kivala choosi cha Isiraeli.

1 Avami 11:36

navuzwa ndaleka muyaayi wa Solomoni, na alindi. Ihiiri ndala, kunangwa ndava kazozo ni kisukururwi chu mutumikiri wange Daudi niyamiha mu Jerusalemi, lidaala lia inzi mali kotovola kuli havundu ha sigamirwa.

2 Kyetsinyinga 21:7

navuzwa Yahova siyenya kudiviza uvwami vwi inyumba ya Daudi, kigira yaali niyalomba lilagana na Daudi, kandi namusuuviriza ndi visukululwi veve valazizagilira kwamiiha mihiga ni mihiga.

Zaburi 132:17

Hene hano, ndakora mulala ku visukululwi va Daudi kuva mwami munene ligali; kandi ndalinda liamiiha liu mwami mutovole wange.

Zaburi 18:28

O, Yahova Nyasaye wange, ombezaa vulavu, na utulizaa ho kisundi change.

Zaburi 87:5

Ligali Nyasaye Wuvunyali alavoora ku Ziyoni ndi, zihiiri ziosi zivulirwa yo alazikola zive nizinguru.

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 33:2

Yahova walomba lirova, kandi naalivika muvogono vwa lio, lieta lilie liveeye Yahova, yavoola,

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.