1 Avami 15:18 - KITABU KITAKATIFU

¹⁸ Kunangwa mwami Asa yavugula ifeza ni izahabu yoosi yaali yalekwa mu Litembeli nu munyumba yu vwami, ma natuma valala ku vanene veve ku vihila Damasiko, mwami Benihadadi wa Siria muyaayi wa Taburimoni, na mwisukulu wa Hezioni, na makuva yaga:

1 Avami 15:18 ပူးပေါင်းရင်းမြစ်များ

Litanga 14:15

Hene yaho yaagavuranya avasaza veve mu miganda, ma niyingilira avasigu mu vudiku, ma navaguuta. Yavakunga kuduuka Hoba Ivaale wa Damasiko.

Litanga 15:2

Navuzwa Aburamu yativura, “O, Mwami Munene Yahova, madanyi yaga nagangonye naki? Kigira inzi si mbeeye nu mwana mba. Umundu wa inzi mbeeye naye weng'ine ni Elieza wa Damasiko. Uyu niyie ulivugula miandu jange.

1 Avami 14:26

Yavugula viju viuvuguli viosi kutura mu Litembeli, kandi munyumba yu vwami, komeeda ku zikuuti zie zahabu zia Solomoni yaali niyalomba.

1 Avami 15:15

Yavika viju viosi mu Litembeli, via baba weve yaali nalombi mu kandi naavitakasa kigira vutumiki vwa Nyasaye, harara niviju vie izahabu ni feza via oyo mwene yaavikwa halovega kigira vutumiki vwa Nyasaye.

2 Avami 12:17

Ku ing'inga yeyo, mwami Hazaeli wa Siria yingilira lidaala linene lia Gazi kandi naliguuta; maku yatovola kutulira Jerusalemi.

2 Avami 12:18

Mwami Joashi wi Ivuyuda yavugula vihaanwa viosi via vami vosi avaari imbiri weve: Jehoshafati, Joramu, na Ahazia vaali ni vaviika ha lovega ku lwu vutumiki vwa Nyasaye, nameda ku vihaanwa vivie mwene, kandi izahabu yoosi kutura mu mavikiru gi Litembeli kandi gi inyumba yu vwami, ma navituma viosi kuli kihanwa ku mwami Hazaeli, uwamanya natuliza liihe lilie liosi kutura Jerusalemi.

2 Avami 12:19

Ivindu vindi viosi viu mwami Joashi yakola viang'odwa mu kitabu cha makuva ga kale ga vami vi Ivuyuda.

2 Kyetsinyinga 15:18

Yavika mu Litembeli iviju viosi via baba weve Abija yaali ni yatakasa ku litumika lia Nyasaye, harara ni zahabu, ifeza, kandi iviju viu mwene yatakasa.

Jeremia 49:27

Ndasamba madigi ga Damasiko kandi ndasambura zinyumba ziuvwami zio mwami Benihadadi. Inzi Yahova Wuvunyali, mali kovora.”

Amosi 1:4

Kunangwa, ndatuma mulilu ku inyumba yu vwami yumbakwa nu mwami Hazaeli, na ndasamba zimbinga zie zinyumba zio vwami vwa mwami Benihadadi.