1 Avami 14:21 - KITABU KITAKATIFU

²¹ Muyaayi wa Solomoni Rehoboamu yaali ni mihiga 41 lwa yagwa mwami wi Ivuyuda, kandi yamiha ku mihiga 17 mu Jerusalemi, lidaala linene lia Yahova yaali niyaatovora kutura mu kivala choosi cha Isiraeli kuli havundu ha yenyeka asigamirwi. Mama wa Rehoboamu yaali Naama kutura mu kivala cha Amoni.

1 Avami 14:21 ပူးပေါင်းရင်းမြစ်များ

1 Avami 11:1

Solomoni yayanza vakali vageni vanyingi. Komeeda ku mukaana wu mwami wa Egebeti, yaleeta vakali Vahiti kandi vakali kutura Moabu, Amoni, Edomu na Sidoni.

1 Avami 11:32

Solomoni alatigala ni hiiri ndala kigira mutumikiri wange Daudi kandi kigira jerusalemi, lidaala lia mali kotovola kuva liange kutura mu kivala choosi cha Isiraeli.

1 Avami 11:36

navuzwa ndaleka muyaayi wa Solomoni, na alindi. Ihiiri ndala, kunangwa ndava kazozo ni kisukururwi chu mutumikiri wange Daudi niyamiha mu Jerusalemi, lidaala lia inzi mali kotovola kuli havundu ha sigamirwa.

1 Avami 11:43

Yakuza kandi nayavirwa mu Lidaala linene lia Daudi, kandi muyaayi weve Rehoboamu yavugula vogono vwivwe kuli mwami.

1 Avami 12:17

Kunangwa vandu va Isiraeli vibaara, nivaleka Rehoboamu kwamiiha kuli mwami ku avandu vamenya vuzwa mu kivala chi Ivuyuda.

1 Avami 14:20

Jeroboamu yamiha ku mihiga 22 kuli mwami. Yakuza kandi nayavirwa, muyaayi weve Nadabu yavugula vogono vwivwe kuli mwami.

1 Avami 14:31

Rehoboamu yakuza kandi nayavirwa mu vilindwa vio mu Lidaala linene lia Daudi; kandi muyaayi weve Abija yavugula vogono vwivwe kuli mwami.

1 Avami 22:42

Yaali naveeye ni mihiga salasini natano, na yamiha mu Jerusalemi ku mihiga sirini na tano. Mama weve yaali Azuba mukaana wa Shilihi.

1 Avami 8:16

‘Kutura ing'inga ya ndatuliza vandu vange mu kivala cha Egebeti, ningikiri kotovola lidaala linene ku goosi mu kivala choosi cha Isiraeli mwi Litembeli linyala kwumbakwa na ha nyara kusigamirwa. Navuzwa ndatovora ivi, Daudi, kwamiiha vandu vange.’ ”

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

1 Avami 8:44

“Lwu ulaga vandu vovo vazie muvulwani kulwaana avasigu vaavo, kandi nivasaara ku ivi, hoosi havaveeye, nivahenzi ku lidaala linene yili lia ivi umali kotovola, kandi Litembeli yili lia inzi mali kukwumbakira,

2 Kyetsinyinga 12:1

Nonoho, lwa Rehoboamu yaali niyakasingiriza uvwamihi vwivwe kuli mwami, avandu vosi harara naye vasuura kuhulira Lilaga lia Yahova.

2 Kyetsinyinga 12:13

Rehoboamu yamiha mu Jerusalemi kandi zinguru zizie ziamedeka kuli mwami. Yaali ni mihiga 41 lwa yagwa mwami na yamiha ku mihiga 17 mu Jerusalemi, lidaala linene ilia Yahova yaali niyaatovora mu kivala choosi cha Isiraeli kuli havundu aha asigamirwa. Mama wa Rehoboamu yaali Naama kutura mu kivala cha Amoni.

2 Kyetsinyinga 13:7

Lwinyima yavungiza harara muganda gwa vavunagi va malago avatakonya kindu, na vanigaa valeke uvulariri vwavo ku Rehoboamu muyaayi wa Solomoni, uwaali umwana muyaayi vuzwa kandi utaali nilimanya linyingi kuvahingiira.

Kutwula 20:24

Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Kwidzulitsa 12:21

Niiva havundu harara hukusigamira yaho haveeye ihale ligali kutura ku munyi, maku, lwa muva nimwenya inyama, munyala kwita ndala ku zing'ombe anoho magondi ga Yahova amali kumuha, kandi munyala kulira inyama zana hango, kuli mali kumuvolera.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 23:3

“Mundu wa Amori anoho mundu wa Moabu anoho mulala ku kisukururwi chiche chi likomi, atingira mu livugana lia Yahova mihiga ni mihiga mba.