1 Avami 14:19 - KITABU KITAKATIFU

¹⁹ Ivindu vindi viosi viu mwami Jeroboamu yakola, mahi ga yalwana, kandi kuli yamiha, viosi viang'odwa mu vitabu via makuva ga kale ga vami va Isiraeli.

1 Avami 14:19 ပူးပေါင်းရင်းမြစ်များ

1 Avami 14:20

Jeroboamu yamiha ku mihiga 22 kuli mwami. Yakuza kandi nayavirwa, muyaayi weve Nadabu yavugula vogono vwivwe kuli mwami.

1 Avami 15:31

Vindu vindi viosi via Nadabu viang'odwa mu kitabu cha makuva ga kale ga vami va Isiraeli.

1 Avami 16:14

Vindu vindi viosi via Ela yakola, viang'odwa mu kitabu cha makuva ga kale ga avami va Isiraeli.

1 Avami 16:20

Vindu vindi viosi via Zimuri yakola komeeda ku lilohiza lie vindu viosi viang'odwa mu kitabu cha makuva ga kale ga vami va Isiraeli.

1 Avami 16:27

Vindu vindi viosi via Omuri yakola, ni miyinzi jije ja yatwekiza josi jang'odwa mu kitabu cha makuva ga kale ga vami va Isiraeli.

1 Avami 16:5

Vindu vindi viosi via Baasha yakola kandi vikolwa viuvuluviliri vwivwe viang'odwa mu vitabu via makuva ga kale ga avami va Isiraeli.

1 Avami 22:39

Vindu vindi viosi vio mwami Ahabu yakola, komeeda ku livaala lie inyumba yeeye yu vwami ya yasiahila miinu gizizogu, kandi amadara manene goosi ga yumbaka, viosi viang'odwa mu kitabu cha makuva ga kale ga vami va Isiraeli.

2 Avami 1:18

Vindu vindi viosi vio mwami Ahazia yakola viang'odwa mu vitabu via makuva ga kale ga avami va Isiraeli.

2 Avami 10:34

Vindu vindi viosi via Jehu yakola komeeda ku harara ni vikolwa vivie viu vuluviliri, viang'odwa mu vitabu via makuva ga kale ga vami va Isiraeli.

2 Avami 13:12

Ivindu vindi viosi via Jehoashi yakola, komeeda ku vuluviliri vwivwe mu vulwani vwa yalwana nu mwami Amazia wi Ivuyuda viang'odwa mu vitabu via makuva ga kale ga vami va Isiraeli.

2 Avami 13:8

Vindu vindi viosi viu mwami Jehoahazi yakola kandi vikolwa vivie viu vuluviliri viang'odwa mu vitabu via makuva ga kale ga vami va Isiraeli.

2 Avami 14:28

Vindu vindi viosi viu mwami Jeroboamu wa kaviri yakola, vulwani vwivwe vwu vuluviliri, kandi kuli yiranyira Isiraeli amadara ga Hamazi na Damasiko, viang'odwa mu vitabu via makuva ga kale ga vami va Isiraeli.

2 Avami 15:11

Ivindu vindi viosi via Zakaria yakola, viang'odwa mu vitabu via makuva ga kale ga vami va Isiraeli.

2 Avami 15:15

Ivindu vindi viosi via Shalumu yakola, harara ni livaala lie lilohiza kokora gu vuchamu viang'odwa mu vitabu via makuva ga kale ga vami va Isiraeli.

2 Avami 15:21

Vindu vindi viosi via Menahemu yakola viang'odwa mu vitabu via makuva ga kale ga vami va Isiraeli.

2 Avami 15:26

Vindu vindi viosi via Pekahia yakola viang'odwa mu vitabu via makuva ga kale ga vami va Isiraeli.

2 Avami 15:31

Vindu vindi viosi viu mwami Peka yakola viang'odwa mu vitabu via makuva ga kale ga vami va Isiraeli.

1 Kyetsinyinga 27:24

Joabu muyaayi wa Zeruya yaatanga kuvaliza, navuzwa si yamala kokora ndio mba, nitali uvutima vonene vwa Nyasaye vwaduuka ku Isiraeli kigira agene yaga. Livaliza yili si liang'odwa mu vitabu viu mwami Daudi viu vwami.

1 Kyetsinyinga 9:1

Vandu va Isiraeli vosi vang'odwa kolondekana ku zinyumba ziavo, na amakuva gaavo gang'odwa mu Kitabu cha Vami va Isiraeli. Avandu vi Ivuyuda vaali ni vahaminyiywi kuzia Babiloni mu kivala chu vuhambe, kuli amageri kigira uvwoni vwavo.

2 Kyetsinyinga 20:34

Vindu vindi viosi viu mwami Jehoshafati yakola, kutura mu litanga lie liamiiha lilie kuduuka ku keheri, via ng'odwa mu vitabu via makuva ga kale ga Jehu mwana muyaayi wa Hanani, kandi gang'odwa nu vitabu via makuva ka kale ga vami va Isiraeli.

2 Kyetsinyinga 25:26

Vindu vindi viosi via Amazia yakola kutura mu litanga kuduuka ku keheri chi liamiiha lilie, viang'odwa mu kitabu cha makuva ga Avami vi Ivuyuda na Isiraeli.

2 Kyetsinyinga 33:18

Ivindu vindi viosi via Manase yakola, lisaala lia yanira ku Nyasaye weve, amakuva ga vaporofeti vamoloma kuye mu lieta lia Yahova, Nyasaye wa Isiraeli, viang'odwa viosi mu vitabu via makuva ga kale ga Avami va Isiraeli.

Esther 6:1

Uvudiku vulala vwere yivwo, umwami siyaali unyala kogona zindoolo mba. Yalaga aleetelwi ivitabu via mang'oda gamanyia ivikolwa viu vwami viu kwizulizwa vie zing'inga ziavita visomerwe imbiri weve.