1 Avami 14:15 - KITABU KITAKATIFU

¹⁵ Yahova alahaana mageri ku Kivala cha Isiraeli, kandi kiladegera kuli kidundu kedegeraa mu mugera gwa mazi. Aliiha vandu va Isiraeli vatuli mu kivala kilahi yiki cha yahaana ku vaguuga vaavo, kandi alavasalanyia ihale engereka wu mugera gwa Efurate, kigira vamali kuvukiza vutima vwivwe, ku lisigamira munyasaye wikikali Ashera.

1 Avami 14:15 ပူးပေါင်းရင်းမြစ်များ

1 Avami 14:9

Umali kokora vwoni vonene ligali kuvita kegero, kandi kuvita yavo vamiiha imbiri woovo. Umali kunyambakana kandi uvuukizi vutima vwange ku lilomba misambwa kandi vifananyi vie vivia viduuki kusigamirwa.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Kyetsinyinga 7:20

maku ndamutuliza mu kivala cha ndaamuha, kandi ndaleka Litembeli yili lia mali kutakasa kuli havundu ha sigamirwa. Avandu havundu hoosi valalichaya kandi valalikolera kehenyahenye.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Tsing'ano 2:22

Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 28:8

Avaporofeti vaaliho imbiri wange kandi imbiri woovo, ku ing'inga yakale, vaporofeta makuva kigira vulwani, inzara enene kandi uvulwaye vilakaze ku vivala vinyingi kandi ku vwami vwizingulu ligali.

Kyavalevi 26:43

Navuzwa avandu valaleka kivala zana, kandi kesoose nokusangalira masabato lwa chaali king'anye, vugira yavo. Ing'inga yeyo vahevwa mageri kigira vwoni uvwavo, kigira vasuura malago kandi vachaya miigizu gange.

Amosi 2:9

“Navuzwa, gaali kigira munyi, avandu vange, avagira nindiviza Avaamori ligali, avasaza avaari avataambi kuli midaragwa, kandi avizingulu kuli misaala imidinyu kuli muduguyu.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Zefania 2:4

Avulaho mundu kali mulala ulitigara mu lidaala lia Gaza. Lidaala lia Ashikeloni lilakatigale hazwa. Avandu vi lidaala lia Ashidodi valakakungwi mu ing'inga yi inusu yi lidiku, kandi avandu vi lidaala lia Ekironi valakakungwi mu lidaala liavo linene.

Matayo 11:7

Lwa avatumwa va Yohana yavo vaali nivazizaa, Yeso yaatanga kovoolera viduma via avandu amakuva ga Yohana, “Mwazia kolola ki mwigendanyama? Mwenya kolola imbuza ninuyaa uvulimu?

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Luka 7:24

Lwa avatumwa va Yohana vaali nivakazia, Yeso yaatanga kuvolera kiduma cha avandu kigira Yohana: “Mwazia mwigendanyama kolola ki? Kidundu chi imbuza yaiung'usaa?

Vikolwa 7:43

Munyi mwagingaa lihema liu munyasaye Moleki, kandi kifananyi che eng'ereng'ani yu munyasaye winyu Rafani. Vifananyi via mwalomba nivio via mwasigamira. Ku lwa yago, inzi ndamuhaminya muzie mu kivala ihale kuvita Babiloni kuva yo avatugwa!’

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

1 Samweli 12:25

Navuzwa nimuzizagilira kokora vwoni, munyi harara nu mwami winyu muladivizwa.”